ആര്‍.എസ്.എസിനെതിരെ അമേരിക്കന്‍ ഫെഡറല്‍ കോടതിയില്‍ ഹര്‍ജി. ആര്‍.എസ്.എസിനെ വിദേശ ഭീകര സംഘടനയായി പ്രഖ്യാപിക്കണമെന്ന് ആവശ്യപ്പെട്ടാണ് ന്യുയോര്‍ക്കിലെ ഫെഡറല്‍ കോടതിയില്‍ ഹര്‍ജി ഫയല്‍ ചെയ്തത്. സിഖ് ഫോര്‍ ജസ്റ്റീസ് എന്ന സംഘടനയാണ് ഹര്‍ജി നല്‍കിയത്. ഹര്‍ജിയില്‍ അറുപത് ദിവസത്തിനകം മറുപടി നല്‍കാന്‍ കോടതി സ്‌റ്റേറ്റ് സെക്രട്ടറി ജോണ്‍ കെറിക്ക് നോട്ടസ് അയച്ചു.
ഇന്ത്യയെ ഹിന്ദു രാജ്യമാക്കുക എന്ന ലക്ഷ്യത്തോടെ ഫാസിസ്റ്റ് ആശയങ്ങള്‍ നടപ്പാക്കുകയും തീവ്രവും ക്രൂരവും അക്രമപരവുമായ നടപടികള്‍ സ്വീകരിക്കുകയുമാണ് ആര്‍.എസ്. എസ് ചെയ്യുന്നതെന്ന് ഹര്‍ജിയില്‍ ആരോപിക്കുന്നു. രാജ്യത്തെ മുസ്ലീം, ക്രിസ്ത്യന്‍ വിഭാഗങ്ങളെ ഹിന്ദുമതത്തിലേക്ക് നിര്‍ബന്ധ പരിവര്‍ത്തനത്തിന് വിധേയമാക്കി \'വീട്ടിലേക്കുള്ള മടക്കം\' എന്ന ആശയത്തിനും പ്രചാരം നല്‍കുന്നു. ആര്‍.എസ്.എസിനെയും അതിന്റെ ഉപസംഘടകളെയും വിദേശ ഭീകര സംഘടനയുടെ വിഭാഗത്തില്‍ ഉള്‍പ്പെടുത്തണമെന്നും ആര്‍.എസ്.എസിനെ ആഗോള ഭീകര പ്രസ്ഥാനമായി കണക്കാക്കണമെന്നൂം ഹര്‍ജിയില്‍ ആവശ്യമുന്നയിക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha