എയര്ഫോഴ്സ് വണ് അഥവാ പറക്കും വൈറ്റ് ഹൗസ്
അമേരിക്കന് പ്രസിഡന്റ് ബരാക്ക് ഒബാമ നാളെ രാവിലെ പത്തു മണിക്ക് ഇന്ത്യയിലെത്തും. റിപ്പബ്ലിക്ക് ദിന ചടങ്ങുകളില് മുഖ്യതിഥിയാണ് അദ്ദേഹം എത്തുന്നത്. ഒബാമയ്ക്കായി വലിയ സുരക്ഷയാണ് ഇന്ത്യയില് ഒരുക്കിയിരിക്കുന്നത്. അദ്ദേഹത്തെ സംബന്ധിക്കുന്ന വാര്ത്തകള്ക്കെല്ലാം വലിയ പ്രധാന്യമാണ് ലഭിച്ചുകൊണ്ടിരിക്കുന്നത്. യുഎസ് പ്രസിഡന്റിന്റെ ഔദ്യോഗിക വിമാനത്തിന്റെ പേരാണ് എയര്ഫോഴ്സ് വണ്. എല്ലാക്കാര്യത്തിലും വിമാനം പേരുപോലെ തന്നെ നമ്പര്വണ്ണാണ്. വിമാനത്തിന്റെ വിളിപ്പേര് തന്നെ പറക്കും വൈറ്റ്ഹൗസ് എന്നാണ്. വെറ്റ് ഹൗസിലെ എല്ലാ സൗകര്യങ്ങളും വിമാനത്തിനുള്ളില് ഒരുക്കിയിട്ടുണ്ട്. യുഎസ് പ്രസിഡന്റിന്റെ ഔദ്യോഗിക വിമാനത്തിലുള്ളത് ഏതു രാജ്യത്തെയും കവച്ചുവയ്ക്കും വിധമുള്ള അതിശക്തവും അതീവ രഹസ്യവുമായ സുരക്ഷാസംവിധാനങ്ങളാണ്. അണ്വായുധ വിക്ഷേപണകോഡുകള് ( ന്യൂക്ലിയര് ബട്ടണ്) അടങ്ങിയ 17 കിലോ മിലിട്ടറിബ്രീഫ്കേസ്, ബുള്ളറ്റ് പ്രൂഫ് ആഡംബര കാര്(ലിമോസിന്), ആംബുലന്സ് തുടങ്ങിയവ യുഎസ് പ്രസിഡന്റിന്റെ ഔദ്യോഗിക വിമാനമായ എയര്ഫോഴ്സ് വണ്ണില് തയാര്
.![\"\"](\"/userfiles/oo(1).jpg\")
85 ഫോണുകള്, 19 ടിവികള്, റേഡിയോ സംവിധാനം, അത്യാധുനിക കംപ്യൂട്ടര് നെറ്റ് വര്ക്ക് തുടങ്ങി യുഎസുമായി നിരന്തര ബന്ധത്തിനുള്ള എല്ലാ സജ്ജീകരണങ്ങളും വിമാനത്തിലെ വൈറ്റ്ഹൗസ് എന്ന മുന്ഭാഗത്ത് കരുതിയിട്ടുണ്ട്.
വിമാനത്തിന്റെ ഭാരം 416.5 ടണ്ണാണ്. വിസ്തീര്ണ്ണം 371.6 സ്ക്വയര് മീറ്റര്, വേഗം മണിക്കൂറില് 1014 കിലോമീറ്റര് റേഞ്ച് 12550 കി.മീ. പറക്കും വൈറ്റ്ഹൗസായി സജ്ജീകരിച്ചിരിക്കുന്നത് ബോയിങ് 747-200 ബി ജെബോ വിമാനമാണ്.![\"\"](\"/userfiles/123(1).jpg\")
വിമാനത്തോടനുബന്ധിച്ച് ചരിത്രമുഖൂര്ത്തങ്ങളും അരങ്ങേറിയിട്ടുണ്ട്. 2011 സെപ്റ്റംബര് 11 ഭീകരാക്രമണം നടന്നതിനു തൊട്ടു പിന്നാലെ അന്നത്തെ യുഎസ് പ്രസിഡന്റ് ജോര്ജ് ഡബ്ല്യൂ ബുഷ് ഫ്ളോറിഡയിലെ സറസോട്ടയില് നിന്നു എയര്ഫോഴ്സ് വണ് വിമാനത്തില് ആകാശസുരക്ഷ തേടി.1963 നവംബര് 22 നു പ്രസിഡന്റ് ജോണ് എഫ് കെന്നഡി വെടിയേറ്റു. മണിക്കൂറുകള്ക്കുശേഷം അടുത്ത പ്രസിഡന്റായി ലിന്ഡന് ജോണ്സണ് സത്യപ്രതിജ്ഞ ചെയ്തത് എയര്ഫോഴ്സ് വണ്ണിനുള്ളില് വച്ചായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
