വിശ്വ സുന്ദരിയായി കൊളംബിയന്‍ സുന്ദരി പൗളിന വേഗ തിരഞ്ഞെടുക്കപ്പെട്ടു. യുഎസിലെ ഫ്‌ളോറിഡയില്‍ നടന്ന മത്സരത്തിലാണ് 88 രാജ്യങ്ങളില്‍ നിന്നുള്ള എതിരാളികളെ പിന്തള്ളി 22കാരിയായ പൗളിന വിശ്വ സുന്ദരി പട്ടം ചൂടിയത്. അവസാന റൗണ്ടില്‍ യുഎസ്, നെതര്‍ലന്‍ഡ്, യുക്രെയ്ന്‍, ജമൈക്ക എന്നിവിടങ്ങളില്‍ നിന്നുള്ള സുന്ദരിമാരെയാണ് പൗളിന പിന്തള്ളിയത്.
യുഎസ് സുന്ദരി നിയ സാഞ്ചസാണ് ഫസ്റ്റ് റണ്ണര്‍ അപ്. യുക്രെയ്ന്‍ സുന്ദരി ഡയാന ഹര്‍കുഷ രണ്ടാം റണ്ണര്‍ അപ്പായി. കൊളംബിയയില്‍ ബിസിനസ് അഡ്മിനിസ്‌ട്രേഷന്‍ വിദ്യാര്‍ഥിനിയാണ് വിശ്വ സുന്ദരിയായി തിരഞ്ഞെടുക്കപ്പെട്ട പൗളിന.ഇന്നത്തെ കാലത്തെ സ്ത്രീകളെ പ്രതിനിധീകരിക്കണമെന്ന തന്റെ സ്വപ്നം സാക്ഷാത്കരിക്കപ്പെട്ടു എന്നായിരുന്നു വിജയിയായ ശേഷം പൗലീനയുടെ പ്രതികരണം. സ്ത്രീയെന്നാല്‍ കേവലം സൗന്ദര്യവും ഗ്‌ളാമറും മാത്രമല്ല. മറിച്ച് ബുദ്ധിമതിയും, പ്രൊഫഷണലിസവും കഠിനാദ്ധ്വാനം ചെയ്യുന്നവളും ആയിരിക്കണം വേഗ പറഞ്ഞു. വിജയത്തില്‍ മതിമറക്കുന്നില്ലെന്നും എത്രയും വേഗം പഠനത്തിലേക്ക് മടങ്ങാനാണ് ആഗ്രഹിക്കുന്നതെന്നും ഈ യുവസുന്ദരി കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha