ലിബിയയിലെ പഞ്ചനക്ഷത്ര ഹോട്ടലില്‍ ഭീകരര്‍ നടത്തിയ ആക്രമണത്തില്‍ ഒന്‍പത് പേര്‍ മരിച്ചു. അതില്‍ അഞ്ച് വിദേശികളും ഉള്‍പ്പെടുന്നു. ഹോട്ടലിനു സമീപം കാര്‍ ബോംബ് സ്‌ഫോടനം നടത്തിയശേഷം ഹോട്ടലിലേക്ക് ഇരച്ചു കയറിയ ഭീകരര്‍ റിസപ്ഷനു സമീപം നിന്ന് വെടിയുതിര്‍ക്കുകയായിരുന്നു. ഒരു യുഎസ് പൗരനും ഫ്രഞ്ച് പൗരനും കൊല്ലപ്പെട്ടവരില്‍ ഉള്‍പ്പെട്ടിട്ടുണ്ട്. അഞ്ച് ലിബിയന്‍ സുരക്ഷാ ഭടന്‍മാരും കൊല്ലപ്പെട്ടവരില്‍ ഉള്‍പ്പെടുന്നു. ലിബിയയിലെ പ്രമുഖ ആഡംബര ഹോട്ടലായ കൊറിന്ത്യയിലാണ് സംഭവം. ആക്രമണത്തിന്റെ ഉത്തരവാദിത്തം ട്രിപ്പോളി പ്രവിശ്യയിലെ ഐഎസ് ഭീകരര്‍ ഏറ്റെടുത്തു. ലിബിയയിലെ അല്‍ഖായിദ ഭീകരന്‍ അബു അനസ് അല്‍ ലിബിയെ കൊലപ്പെടുത്തിയതിന് പ്രതികാരമായാണ് ആക്രമണം നടത്തിയതെന്നാണ് ഭീകരര്‍ ട്വിറ്ററിലൂടെ അറിയിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha