അടുത്ത ലക്ഷ്യം സൗദി ആറേബ്യയെന്ന് ഐസിസ് ഭീകരര്‍. കഴിഞ്ഞ ദിവസം പുറത്ത് വിട്ട വീഡിയോവിലാണ് ഇക്കാര്യം പറയുന്നത്. ആക്രമിക്കാന്‍ തയ്യാറായിരിക്കാനാണ് ഇസ്ലാമിക് സ്‌റ്റേറ്റ്(ഐസിസ്) ഭീകര സംഘടനയുടെ മുന്നറിയിപ്പ്.
ഇറാക്കിലേയും സിറിയയിലേയും ഐസിസ് സംഘങ്ങളില്‍ പ്രവര്‍ത്തിക്കുന്ന സൗദി തീവ്രവാദികളാണ് ഭീഷണി വീഡിയോ പുറത്തുവിട്ടതെന്ന് ഫോക്‌സ് ന്യൂസ് റിപ്പോര്‍ട്ടു ചെയ്തു. സൗദിയിലുള്ള ഐസിസ് അനുകൂലികളോട് ആഭ്യന്തര ആക്രമണങ്ങള്‍ ആരംഭിക്കാനും ഐസിസ് ആവശ്യപ്പെടുന്നുണ്ട്.
അബ്ദുള്ള രാജാവിന്റെ മരണത്തെ തുടര്‍ന്ന് സൗദിയില്‍ ഭരണമാറ്റം നടക്കുന്ന അവസരത്തിലാണ് ഐസിസിന്റെ മുന്നറിയിപ്പ് ഉണ്ടായിരിക്കുന്നത്. മദ്ധ്യപൂര്‍വ രാഷ്ട്രങ്ങളില്‍ ഏറ്റവും സമ്പന്നമായ സൗദിയെ പിടിച്ചടക്കാനുള്ള ഐസിസിന്റൈ മോഹമാണ് വീഡിയോയിലൂടെ വ്യക്തമാകുന്നതെന്ന് വിദഗ്ദ്ധര്‍ ചൂണ്ടികാണിക്കുന്നു.
എന്നാല്‍ ഐസിസിന്റെ ആക്രമണം രാജ്യത്ത് ഉണ്ടാകാതിരിക്കാന്‍ അതിര്‍ത്തിയില്‍ കിടങ്ങുകള്‍ കുഴിച്ചും, വന്‍മതിലുകെട്ടിയും പ്രതിരോധം തുടങ്ങിയിട്ടുണ്ട്. രാജ്യത്തിനരത്തും തീവ്രവാദികളെ അമര്‍ച്ച ചെയ്യാനുള്ള ശ്രമവും രാജ്യം ആരംഭിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha