ഇസ്‌ലാമിക് സ്‌റ്റേറ്റ് (ഐസിസ്) ഭീകരര്‍ ബന്ദിയാക്കിയ രണ്ടാമത്തെയാളെയും കൊന്നു. ജാപ്പനീസ് മാധ്യമപ്രവര്‍ത്തകന്‍ കെന്‍ജി ഗോട്ടോയുടെ തലവെട്ടിയതായി അവകാശപ്പെടുന്ന വിഡിയോ കഴിഞ്ഞ ദിവസമാണ് ഐഎസ് ഇന്റര്‍നെറ്റിലൂടെ പുറത്തുവിട്ടത്.
ഗോട്ടോയുടെ കഴുത്തില്‍ കത്തിവച്ച് ഒരാള്‍ നില്‍ക്കുന്നതു വീഡിയോയില്‍ കാണിക്കുന്നുണ്ട്.

തുടര്‍ന്ന് ശരീരത്തില്‍ നിന്നു തല വേര്‍പെട്ട നിലയാണു കാണിക്കുന്നത്. ഇസ്‌ലാമിക് സ്‌റ്റേറ്റുമായി ബന്ധപ്പെട്ട ട്വിറ്റര്‍ അക്കൗണ്ടിലൂടെയാണ് വിഡിയോ പുറത്ത് വിട്ടത്. ജോര്‍ദാനില്‍ തടവിലായ ഭീകരവനിത സാജിദയെ വിട്ടുകൊടുത്താല്‍ ഗോട്ടോയെ മോചിപ്പിക്കാമെന്ന് നേരത്തെ ഐഎസ് വാഗ്ദാനം നല്‍കിയിരുന്നു.

എന്നാല്‍ ഭീകരവനിതയെ മോചിപ്പിച്ചില്ല. ഇവരുടെ മോചനത്തിനായി ഐഎസ് അനുവദിച്ച സമയ പരിധി രണ്ടു ദിവസം മുമ്പ് അവസാനിച്ചിരുന്നു. ഗോട്ടോയുടെ മരണത്തിന് കാരണം ജപ്പാന്‍ പ്രധാനമന്ത്രി ഷിന്‍സോ ആബെയാണെന്ന് വിഡിയോയില്‍ കാണുന്ന ഭീകരന്‍ കുറ്റപ്പെടുത്തുന്നുണ്ട്. ഇതുകൊണ്ടൊന്നും ഭീകരതയ്ക്ക് മുന്നില്‍ ജപ്പാന്‍ മുട്ടുമടക്കില്ലെന്ന് ജപ്പാന്‍ പ്രധാനമന്ത്രി ഷിന്‍സോ ആബെ പ്രതികരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha