ഒരോ മതത്തിലും പെട്ടവര്‍ മറ്റുമതങ്ങളില്‍പ്പെട്ടവരാല്‍ ആക്രമിക്കപ്പെടുകയാണെന്ന് യുഎസ് പ്രസിഡന്റ് ബറാക് ഒബാമ. കഴിഞ്ഞ കുറച്ചു വര്‍ഷങ്ങളായി ഇന്ത്യയില്‍ നടക്കുന്ന എല്ലാവിധ മതഅസഹിഷ്ണുതയും മഹാത്മാ ഗാന്ധിയെ ഞെട്ടിച്ചേക്കാമെന്ന് ഒബാമ വ്യക്തമാക്കി. ഇത്തരം അസഹിഷ്ണുതകള്‍ ഇന്ത്യയ്ക്ക് സ്വാതന്ത്ര്യം നേടിക്കൊടുത്ത മഹാത്മാ ഗാന്ധിയെപ്പോലും ഞെട്ടിപ്പിക്കുന്നതാണെന്ന് ന്യൂയോര്‍ക്കില്‍ നടന്ന നാഷണല്‍ പ്രയര്‍ ബ്രേക്ക് ഫാസ്റ്റ് ചടങ്ങില്‍ പറഞ്ഞു.
ന്യൂഡല്‍ഹിയില്‍ ഒബാമ നടത്തിയ പ്രസംഗത്തില്‍ മതസ്വാതന്ത്ര്യം പ്രോത്സാഹിക്കപ്പെട്ടാലെ ഇന്ത്യയ്ക്കു മുന്നേറാനാകൂ എന്നു പറഞ്ഞിരുന്നു. ഇത് ഭരണകക്ഷിയായ ബിജെപിയെ ലക്ഷ്യംവച്ചാണെന്ന പ്രചാരണം വൈറ്റ് ഹൗസ് തള്ളിക്കളഞ്ഞതിന്റെ പിറ്റേന്നാണ് ഒബാമയുടെ അഭിപ്രായം പുറത്തുവരുന്നത്.
എന്നാല്‍ പ്രസംഗത്തില്‍ ഒബാമ ഒരു മതത്തിന്റെയും പേരെടുത്തു പറഞ്ഞില്ല. ആക്രമണങ്ങള്‍ ഒരു കൂട്ടര്‍ക്കു നേരെ മാത്രമല്ല. കഴിഞ്ഞ കുറച്ചു വര്‍ഷങ്ങളായി പല മതവിഭാഗങ്ങള്‍ക്കു നേരെയുമുണ്ട്. മനുഷ്യ ചരിത്രം പരിശോധിച്ചാല്‍ മനുഷ്യത്വം നിരവധിത്തവണ ചോദ്യം ചെയ്തതായി കാണാം. യുഎസിലും അടിമത്തവും മറ്റും മതത്തിന്റെ പേരില്‍ നീതീകരിക്കപ്പെട്ടു, മൂവായിരത്തോളം വരുന്ന യുഎസ്, രാജ്യാന്തര നേതാക്കളെ അഭിസംബോധന ചെയ്ത് ഒബാമ കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha