വടക്കന്‍ കസഖ്സ്ഥാനിലെ ഒരു ഉള്‍നാടന്‍ ഗ്രാമമാണ് കലാച്ചി. കലാച്ചിയ്ക്ക് മറ്റൊരു പേരു കൂടിയുണ്ട്. നിദ്രാ താഴ്‌വരയെന്നാണ് ആ പേര്. അതിനു കാരണവുമുണ്ട്. ആ ഗ്രാമത്തിലെ ആളുകള്‍ ഉറങ്ങാന്‍ തുടങ്ങിയാല്‍ ദിവസങ്ങളോളം ആ ഉറക്കം തുടരും. ഓരോരുത്തര്‍ക്കും ഉറക്കം വന്നു തുടങ്ങുന്ന സമയം വ്യത്യസ്തമായതിനാല്‍ ആരെങ്കിലുമൊക്കെ എപ്പോഴും ഗ്രാമത്തില്‍ ഉണര്‍ന്നിരിക്കുന്നുണ്ടാവുമെന്നു മാത്രം. ഈ അവസ്ഥയെകുറിച്ച് കേട്ടറിഞ്ഞ ഡോക്ടര്‍മാര്‍ ഗ്രാമീണരില്‍ എല്ലാവരുടെയും തലച്ചോറിനുള്ളില്‍ അമിതമായി ഒരു സ്രവം നിറയുന്നതു കൊണ്ടാണ് അവരിങ്ങനെ ദിവസങ്ങളോളം ഉറങ്ങുന്നതെന്ന് കണ്ടെത്തി.

എന്നാലും ഇപ്രകാരം ഒരു ദ്രാവകം അമിതമായി നിറയുന്നതിന് എന്താണ് കാരണമെന്ന് അവര്‍ക്ക് പിടികിട്ടിയില്ല. ഇപ്രകാരം തലച്ചോറിനുള്ളില്‍ ദ്രാവകം നിറയുന്നതിന് എന്‍സെഫലോപ്പതി എന്നാണ് ആരോഗ്യരംഗത്ത് പറയുന്ന പേര്.
കഴിഞ്ഞ നാലു വര്‍ഷമായി ഇതിന്റെ കാരണം കണ്ടെത്താനുളള ഗവേഷണങ്ങളും പരീക്ഷണങ്ങളും നടക്കുകയായിരുന്നു. ഒടുവില്‍ അടുത്തിടെ ആ രഹസ്യം കണ്ടെത്തി. ആ ഗ്രാമത്തിന്റെ അന്തരീക്ഷത്തില്‍ ലയിച്ചു ചേര്‍ന്നിട്ടുള്ള റാഡോണ്‍ എന്ന അലസ വാതകമാണ് ഇവര്‍ക്ക് ഇങ്ങനെ ഉറക്കം വരുത്തുന്നത്. അതോടെ ഇത്ര ഉയര്‍ന്ന തോതില്‍ റാഡോണ്‍ എന്ന വാതകം ആ ഗ്രാമാന്തരീക്ഷത്തില്‍ കാണപ്പെടാനുള്ള കാരണമെന്തെന്നു കണ്ടെത്താനുള്ള ശ്രമങ്ങള്‍ സര്‍ക്കാര്‍ ആരംഭിച്ചു. ആ അന്വേഷണം ചെന്നെത്തിയത് ഗ്രാമത്തില്‍ പണ്ടുണ്ടായിരുന്ന ഒരു ഖനിയിലേക്കാണ്.

സോവിയറ്റ് യൂണിയന്‍ ആയി നിലനിന്നിരുന്ന കാലത്ത് യുറേനിയം ഖനനത്തിനായി ഉപയോഗിച്ചു കൊണ്ടിരുന്ന ഖനിയാണത്. യുറേനിയം വിഘടിക്കുമ്പോള്‍ പുറത്തു വരുന്ന കളറില്ലാത്ത, മണമില്ലാത്ത, രുചിയില്ലാത്ത ഒരു വാതകമാണ് റാഡോണ്‍. റേഡിയോ ആക്ടീവ് അണുവികിരണങ്ങള്‍ ഒന്നും ആ ഖനിയില്‍ നിന്നും ഇപ്പോള്‍ പുറത്തു വരുന്നില്ലെങ്കിലും ഖനിയ്ക്കുള്ളിലെ ഗര്‍ത്തങ്ങളില്‍ വെള്ളം നിറയുമ്പോള്‍ ആ കുഴികളില്‍ നിറഞ്ഞു നില്‍ക്കുന്ന റാഡോണ്‍ വാതകം പുറത്തേക്ക് വന്ന് അന്തരീക്ഷത്തില്‍ ചേരുകയാണ് ചെയ്യുന്നത്.

പ്രശ്‌നത്തിന്റെ കാരണം തിരിച്ചറിഞ്ഞതോടെ ഗ്രാമീണരെ മുഴുവന്‍ മാറ്റിപാര്‍പ്പിക്കാന്‍ ഒരുങ്ങുകയാണ് ഗവണ്‍മെന്റ്. റാഡോണ്‍ വാതകത്തിന്റെ ബഹിര്‍ഗമനം നിര്‍ത്തുക എന്നത് എളുപ്പമുള്ള കാര്യമല്ലത്രേ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha