മന്ത്രവാദം നടത്തിയെന്നാരോപിച്ച് വൃദ്ധനെ പൊതുജനമധ്യത്തില്‍ തലവെട്ടിക്കൊല്ലുന്ന ദൃശ്യങ്ങള്‍ ഐസിസ് ഭീകരര്‍ പുറത്തുവിട്ടു. സിറിയയിലെ ഐസിസ് ശക്തികേന്ദ്രത്തില്‍ നിന്നുള്ളതാണ് ദൃശ്യങ്ങള്‍ . ഇറച്ചിവെട്ടുന്നതുപോലെ മരക്കുറ്റിയില്‍ വച്ചായിരുന്നു തലവെട്ടല്‍. ദൃശ്യങ്ങള്‍ ഭീകരരുടെ മാധ്യമവിഭാഗമാണ് പുറത്തുവിട്ടത്. കൊല്ലപ്പെട്ടയാളെക്കുറിച്ചുള്ള കൂടുതല്‍ വിവരങ്ങള്‍ വ്യക്തമല്ല. താടിയും നരച്ചമുടിയുമുള്ള അറുപതുവയസിലേറെ തോന്നിക്കുന്നയാളെയാണ് വധശിക്ഷയ്ക്ക് വിധേയനാക്കിയത്. 
ശിക്ഷ നടപ്പാക്കുന്ന സ്ഥലത്തേക്ക് രണ്ടുപേര്‍ ചേര്‍ന്ന് ഇയാളെ കൊണ്ടുവരുന്ന ചിത്രവും ഇയാളുടെമേല്‍ ആരോപിക്കപ്പെട്ട കുറ്റങ്ങള്‍ ഒരാള്‍ ഉറക്കെ വായിക്കുന്നചിത്രവും ഭീകരര്‍ പുറത്തുവിട്ടിട്ടുണ്ട്. വൃദ്ധനെ ശിക്ഷ നടപ്പാക്കുന്ന സ്ഥലത്തേക്ക് കൊണ്ടുവരുന്നതില്‍ ഒരാള്‍ കൗമാരക്കാരനാണ്. വധശിക്ഷ കാണാനെത്തിവരിലും നിരവധി കൗമാരക്കാരുണ്ട്. ഇവരെ ഭീകരര്‍ നിര്‍ബന്ധിച്ചുകൊണ്ടുനിറുത്തിയതാകാമെന്നാണ് കരുതുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha