പെഷാവാറില് പള്ളിയില് നടന്ന ചാവേര് സ്ഫോടനത്തില് 11 മരണം
പെഷാവാറില് വീണ്ടും തീവ്രവാദി ആക്രമണം. പെഷാവാറില് മോസ്കിനുള്ളില് തീവ്രവാദികള് നടത്തിയ ചാവേര് സ്ഫോടനത്തില് 11 പേര് മരിച്ചു. സ്ഫോടനത്തില് 60 ല് ഏറെപേര്ക്ക് പരിക്കേറ്റു. വെള്ളിയാഴ്ച പക്തുങ്ക്വ പ്രവിശ്യയിലെ കൈബറിലാണ് ആക്രമണം ഉണ്ടായത്.
ഏഴു തീവ്രവാദികളാണ് സ്ഫോടനം നടത്തിയത്. തീവ്രവാദികള് പള്ളിക്കുള്ളിലും പുറത്തുമായി നിരവധി സ്ഫോടനം നടത്തി. സ്ഫോടനം നടക്കുമ്പോള് പള്ളിക്കുള്ളില് 1000 ല് ഏറെ വിശ്വാസികളുണ്ടായിരുന്നു. സൈനിക വേഷമണിഞ്ഞെത്തിയ തീവ്രവാദികള് പ്രാര്ഥന നടക്കുമ്പോള് പള്ളിക്കുള്ളില് കടക്കുകയായിരുന്നു. പള്ളിയില് കടന്നയുടനെ ഗ്രനേഡ് എറിഞ്ഞ് പരിഭ്രാന്തിപരത്തി. ചാവേറായ ഒരു തീവ്രവാദി സ്വയം പൊട്ടിത്തെറിച്ചു. മറ്റുള്ള തീവ്രവാദികള് വിശ്വാസികള്ക്കുനേരെ തലങ്ങും വിലങ്ങും വെടിയുതിര്ത്തു. ഈ സമയം ആളുകള് ചിതറി ഓടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
