ആത്മഹത്യാപ്രേരണ ഉണ്ടെങ്കില് സഹായം തേടാനുള്ള ടോള് ഫ്രീ നമ്പറില് വിളിച്ചവര്ക്ക് കിട്ടിയത് സെക്സ് ഹോട്ട് ലൈന്; അമ്പരന്ന് വിദ്യാര്ത്ഥികളും രക്ഷകര്ത്താക്കളും
അമേരിക്കയിലെ കാലിഫോര്ണിയയിലെ ഒരു സ്കൂളില് കുട്ടികളുടെ സ്കൂള് ഐഡി-യില് ഒരു നമ്പര് നല്കിയിരുന്നു.
ആത്മഹത്യാപ്രേരണ ഉണ്ടെങ്കില് സഹായം തേടാനുള്ള ടോള് ഫ്രീ നമ്പര് ആണതെന്നായിരുന്നു പറഞ്ഞിരുന്നത്. ഏതായാലും ആ നമ്പറില് വിളിച്ചാല് എന്താണ് നടക്കുക എന്നറിയാനുള്ള കൗതുകത്തോടെ ചില വിദ്യാര്ത്ഥികള് പ്രസ്തുത നമ്പറിലേക്ക് വിളിച്ചു.
എന്നാല് ലഭിച്ചതാകട്ടെ ലൈംഗിക ഉത്തേജനത്തിനും ലൈംഗിക സുഖങ്ങള്ക്കായും ആളുകള് ബന്ധപ്പെടുന്ന സെക്സ് ഹോട്ട് ലൈനിലേക്കും.
ഒരൊറ്റ നമ്പര് മാറിയതാണ് പ്രശ്നങ്ങള്ക്കെല്ലാം കാരണം. ശരിക്കും അമ്പരന്നു പോയി എന്നാണ് രക്ഷകര്ത്താക്കള് സംഭവത്തോട് പ്രതികരിച്ചിരിക്കുന്നത്. സ്കൂള് അധികൃതരടക്കം സംഭവത്തിന്റെ ഞെട്ടലിലാണ്.
തങ്ങള്ക്ക് തെറ്റ് പറ്റിപോയെന്ന് സമ്മതിച്ച സ്കൂള് അധികൃതര് പഴയ ഐഡി കാര്ഡ് തിരിച്ചുവാങ്ങി പുതിയത് നല്കാനുള്ള തീരുമാനത്തിലാണ്.
https://www.facebook.com/Malayalivartha