തുറന്ന കൈകള് നീട്ടിയാണ് ഇന്ത്യ നിങ്ങളെ കാത്തിരിക്കുന്നത്.... ഇന്ത്യയില് നിക്ഷേപം നടത്താന് തായ്ലന്ഡിലെ വ്യാപാര സമൂഹത്തോടെ ആഹ്വാനം ചെയ്ത് പ്രധാനമന്ത്രി നരേന്ദ്ര മോദി
ഇന്ത്യയില് നിക്ഷേപം നടത്താന് തായ ലന്ഡിലെ വ്യാപാര സമൂഹത്തോട് ആഹ്വാനം ചെയ്ത് പ്രധാനമന്ത്രി നരേന്ദ്ര മോദി. ഇന്ത്യയില് ഇന്ന് സംഭവിച്ചു കൊണ്ടിരിക്കുന്നത് ഗുണകരമായ മാറ്റങ്ങളാണ്. ഇന്ത്യയില് നിക്ഷേപിക്കാന് ഏറ്റവും നല്ല സമയമാണിത്. പൂര്ണ ആത്മവിശ്വാസത്തോടെയാണ് ഞാനിത് പറയുന്നത് -പ്രധാനമന്ത്രി പറഞ്ഞു. നിക്ഷേപം നടത്താനും സുഗമമായ ബിസിനസിനും ഇന്ത്യയിലേക്ക് വരിക. തുറന്ന കൈകള് നീട്ടിയാണ് ഇന്ത്യ നിങ്ങളെ കാത്തിരിക്കുന്നത്. അഞ്ച് ട്രില്യണ് ഡോളര് സമ്പദ് വ്യവസ്ഥയെന്ന നേട്ടം ഇന്ത്യ ഉടന് സ്വന്തമാക്കുമെന്നും അദ്ദേഹം പറഞ്ഞു.
കഴിഞ്ഞ ദിവസം ഇന്ഡോര് സ്റ്റേഡിയത്തില് തായ് ലന്ഡിലെ ഇന്ത്യന് സമൂഹത്തെ പ്രധാനമന്ത്രി അഭിസംബോധന ചെയ്തിരുന്നു. ആസിയാന് ഉച്ചകോടി, ആര്.സി.ഇ.പി രൂപീകരണ പ്രഖ്യാപനം, കിഴക്കനേഷ്യാ ഉച്ചകോടി തുടങ്ങിയവയില് പങ്കെടുക്കാനാണ് പ്രധാനമന്ത്രി തായ് ലന്ഡിലെത്തിയത്. തായ് ലന്ഡില് മോദിയുടെ പ്രഥമ സന്ദര്ശനമാണിത്.
https://www.facebook.com/Malayalivartha
