യക്ഷികളെ ഇഷ്ടപെട്ട് സ്വയം യക്ഷിയായി മാറാൻ ആഗ്രഹിച്ച് 24കാരി ചെയ്തത് അറിഞ്ഞാൽ ആരും ഒന്ന് ഞെട്ടും....
യക്ഷികളെ ഇഷ്ടപെട്ട് സ്വയം യക്ഷിയായി മാറാൻ ആഗ്രഹിച്ച് 24കാരി ചെയ്തത് അറിഞ്ഞാൽ ആരും ഒന്ന് ഞെട്ടും. സൂര്യ പ്രകാശത്തെ വെറുത്തും, രക്തത്തിന്റെ മണം ഇഷ്ടപ്പെടും, ദ്രംഷ്ടകൾ വച്ചു പിടിപ്പിച്ചും, ഞെട്ടിച്ചത് ഫിൻലൻഡ് സ്വദേശിനിയായ ജൂലിയ കംപൂലെയ്നൻ എന്ന യുവതിയാണ്. 2012 മുതലാണ് 39,224 രൂപയോളം മുടക്കി കോസ്മറ്റിക് ദന്തിസ്റ്റിന്റെ സഹായത്തോടെ ദ്രംഷ്ട സ്ഥിരമായി വായിലുറപ്പിച്ചത്. താടിയെല്ലിന് കടുത്ത വേദനയുണ്ടെങ്കിലും, ഭക്ഷണം കഴിക്കാൻ ബുദ്ധിമുട്ടനുഭവപ്പെടുന്നുണ്ടെങ്കിലും ദ്രംഷ്ട വേണ്ടെന്ന് വയ്ക്കാൻ ജൂലിയ തയ്യാറല്ല.
നാലുവയസ്സുകാരിയുടെ അമ്മ കൂടിയായ ജൂലിയ പറയുന്നത് മകൾക്ക് തന്റെ ഉളിപ്പല്ലുകൾ വളരെയിഷ്ടമാണെന്നാണ്. തന്നെക്കണ്ട് യഥാർഥ യക്ഷിയായി ആളുകൾ തെറ്റിദ്ധരിക്കാറുണ്ടെന്നും ജൂലിയ പറയുന്നു.എങ്ങനെ യക്ഷിയാകാം എന്നതിനെക്കുറിച്ചൊക്കെയുള്ള കാര്യങ്ങൾ വായിച്ചു പഠിച്ചുവെന്നും ജൂലിയ പറയുന്നു. യക്ഷികളുടെ ചില സ്വഭാവ സവിശേഷതകൾ തനിക്കുണ്ടെന്നു കൂടി ജൂലിയ അവകാശപ്പെടുന്നു.
ദൂരേ നിന്നു പോലും രക്തത്തിന്റെ മണമെനിക്ക് തിരിച്ചറിയാം. അതെന്തുകൊണ്ടാണെന്നോ എങ്ങനെയാണെന്നോ എനിക്കറിയില്ല. രക്തത്തിന്റെ രുചിയും എനിക്കിഷ്ടമാണ്. രക്തത്തിന്റെ മണമടിച്ചാൽ തീർച്ചയായും പരിസരങ്ങളിലെവിടെയെങ്കിലും രക്തമുണ്ടാകും. മുറിവുകളൊക്കെയുണ്ടായാൽ രക്തം രുചിക്കുമെന്നല്ലാതെ രക്തത്തിനു വേണ്ടി എന്നെയോ, മറ്റാരെയെങ്കിലുമോ മുറിപ്പെടുത്താൻ ഞാനൊരുക്കമല്ല''.- ജൂലിയ പറയുന്നു.
https://www.facebook.com/Malayalivartha