മകളെ മുലയൂട്ടുന്ന അച്ഛന്; ലോക പുരുഷ ദിനത്തിൽ വൈറലായ വീഡിയോ ഏറ്റെടുത്ത് സോഷ്യല്മീഡിയ
മകളെ മുലയൂട്ടുന്ന അച്ഛനാണ് ഇപ്പോൾ സോഷ്യൽ മീഡിയയിൽ താരം. ലോക പുരുഷ ദിനത്തിലാണ് മുലയൂട്ടുന്ന അച്ഛന്റെ വീഡിയോ സോഷ്യൽ മീഡിയയിൽ വൈറലായത്. വീഡിയോയ്ക്ക് പിന്നിലെ സത്യാവസ്ഥ അച്ഛന് തന്നെ വെളിപ്പെടുത്തി.
ഈ വിഡിയോയ്ക്ക് പിന്നിലെ കഥ ഇതാണ്. കുഞ്ഞിന്റെ അമ്മ സ്ഥലത്തില്ല. കുട്ടിയാണെങ്കിൽ വിശന്ന് കരയുന്നു. അച്ഛൻ മകളെ സമാധാനിപ്പിക്കാൻ പരമാവധി ശ്രമിച്ചിട്ടും നടക്കുന്നില്ല. കുപ്പിപ്പാല് കുടിക്കാൻ കുഞ്ഞ് കൂട്ടാക്കുന്നുമില്ല. അയാൾ ഇനി എന്ത് ചെയ്യാനാണ്. അവസാനം ഈസിയായി പ്രശ്നം പരിഹരിച്ചു. പാൽകുപ്പി ടീഷർട്ടിനുള്ളിലേക്ക് കയറ്റി വച്ചു. കുഞ്ഞിനെ എടുത്ത് മടിയിൽ വച്ചു. കുഞ്ഞ് ടീഷർട്ടിനുള്ളിലെ പാൽക്കുപ്പിയിൽ നിന്നും പാൽ കുടിച്ചു. അമ്മ മുലയൂട്ടുകയാണെന്ന് കരുതി കുഞ്ഞ് കരച്ചിൽ നിർത്തി പാലുകുടിച്ചു. വീഡിയോ എടുത്തത് പിതാവ് തന്നെയാണ്. എന്തായാലും വീഡിയോ സോഷ്യല് മീഡിയയില് ഹിറ്റായി.
https://www.facebook.com/Malayalivartha