നെതര്‍ലാന്‍റിലെ ഒരു മൃഗശാലയില്‍ നടന്ന സംഭവം ആണ് എവിടെയും ചർച്ചാവിഷയം. ജന്തുലോകത്തെ അമ്പരപ്പിക്കുന്ന ഒരു വാര്‍ത്തയാണ് പുറത്തുവന്നിരിക്കുന്നത്. രണ്ട് ആണ്‍ ബ്ലാക്ക് ഫൂട്ട് പെന്‍ഗ്വിനുകളാണ് കഥയിലെ നായകന്മാര്‍. നെതര്‍ലാന്‍ഡിലെ ഡിരെന്‍പാര്‍ക്ക് അമേഴ്സ്ഫൂട്ട് എന്ന മൃഗശാലയിലാണ് സംഭവം നടന്നത് . ഒരേ ലിംഗത്തില്‍ പെട്ടരണ്ട് പെന്‍ഗ്വിനുകള്‍ മറ്റൊരു പെന്‍ഗ്വിന്‍റെ മുട്ട മോഷ്ടിച്ചതിന് ശേഷം, അതില്‍ വിരിയാനായി അടയിരിക്കുന്നു എന്നും ജീവനക്കാര്‍ പറയുന്നത്.

സ്വവര്‍ഗാനുരാഗം പെന്‍ഗ്വിനുകള്‍ക്കിടയില്‍ സാധാരണമാണ് എന്നാണ് പലപ്പോഴും വാർത്തകൾ സൂചിപ്പിക്കുന്നത്. എന്നാല്‍ മറ്റൊരു പെന്‍ഗ്വിന്‍ ദമ്പതിമാരുടെ മുട്ട തങ്ങള്‍ക്ക് വേണ്ടി മോഷ്ടിക്കുന്നതും ഒരു കുഞ്ഞിനായി കാത്തിരിക്കുന്നതും ആദ്യമാണെന്നാണ് മൃഗശാലയിലെ ജീവനക്കാര്‍ പറയുന്നത്. ദമ്പതികള്‍ അടുത്തില്ലാതിരുന്ന സമയത്താണ് ഇവര്‍ മുട്ട മോഷ്ടിച്ചതത്രെ . എന്തായാലും ഇതോടെ ആണ്‍ പെന്‍ഗ്വിനുകള്‍ അടയിരിക്കുന്ന മുട്ട വിരിഞ്ഞ് കുഞ്ഞ് എത്തുന്നതിന് കാത്തിരിക്കുകയാണ് മൃഗശാല അധികൃതര്‍.