ഈ സാത്താനെ ഉടനെ വധിക്കും; മുഷറഫിനെതിരെ വീണ്ടും താലിബാന് ഭീഷണി
വീട്ടുതടങ്കലില് കഴിയുന്ന പാക്കിസ്ഥാന് മുന് പ്രസിഡന്റ് പര്വേസ് മുഷറഫിന് വീണ്ടും പാക് താലിബാന്റെ വധഭീഷണി. ഈ സാത്താനെ ഞങ്ങള് ഉടനെ വധിക്കുമെന്നാണ് പാക് താലിബാന് വക്താവ് ഇഹ്സാനുള്ള ഇഹ്സാന് ജിഹാദി വെബ്സൈറ്റായ ഉമര് മീഡിയയിലൂടെ അറിയിച്ചത്. ബലൂചിസ്ഥാന് മുതല് വസീറിസ്ഥാന് വരെ മുഷറഫ് പാക്കിസ്ഥാനെ രക്തത്തിലും അഗ്നിയിലും മുക്കി. ലാല് മസ്ജിദിലെ നൂറുകണക്കിനു വിദ്യാര്ഥികളെ കൊന്നതും മുഷറഫാണെന്ന് ഇഹ്സാന് വീഡിയോയില് പറയുന്നു.
ഇതു രണ്ടാം തവണയാണ് മുഷറഫിനു ഭീഷണിയുയര്ത്തി പാക് താലിബാന് വീഡിയോ പൂറത്തിറക്കുന്നത്. കുറച്ചു കാലത്തെ പ്രവാസ ജീവിതം മതിയാക്കി കഴിഞ്ഞ മാര്ച്ചിലാണ് മുഷറഫ് പാക്കിസ്ഥാനിലെത്തിയത്. അന്നു തന്നെ മുഷറഫിനെ വധിക്കുമെന്ന് താലിബാന് പറഞ്ഞിരുന്നു. 2007-ലെ ബേനസീര് ഭൂട്ടോ വധം ഉള്പ്പെടേയുള്ള കേസുകളുമായി ബന്ധപ്പെട്ട് അറസ്റ്റിലായ മുഷറഫ് ഇപ്പോള് വിചാരണ നേരിടുകയാണ്.
https://www.facebook.com/Malayalivartha
