മൂന്നര മിനിറ്റിൽ വണ്ടി റെഡി... ഫ്രീ വൈഫൈയും ഇന്റർനെറ്റും... സ്മാർട്ടായി ദുബായ് മോട്ടോർ വാഹന വകുപ്പ്
ഇനി മുതൽ ടാക്സികളിൽ വൈഫൈ ലഭ്യമാക്കി ദുബൈ ആർ.ടി.എ അധികൃതർ. യാത്രക്കാർക്ക് 50 എം.ബി ഡാറ്റ സൗജന്യമായി ടാക്സികളിൽ ഉപയോഗിക്കാം. കൂടുതൽ ആവശ്യമെങ്കിൽ ആപ്പുവഴി വാങ്ങാനുള്ള സൗകര്യവും ഒരുക്കിയിട്ടുണ്ട്. മൊബൈൽ സേവന ദാതാക്കളായ ഡുവുമായി സഹകരിച്ചാണ് ദുബൈ റോഡ് ആന്റ് ട്രാൻസ്പോർട്ട് അതോറിറ്റി വൈഫൈ സൗകര്യം ഒരുക്കുന്നത്. ഇതിലൂടെ ജനങ്ങൾക്ക് കൂടുതൽ സൗകര്യങ്ങൾ ഒരുക്കുക എന്നതാണ് ഹൈടെക് ടാക്സിയിലൂടെ നടപ്പാക്കുന്നതെന്ന് ആർ.ടി.എ ട്രാൻസ്പോർട് സിസ്റ്റംസ് ഡയറക്ടർ ഖാലിദ് അൽ അവാദി അറിയിച്ചു. വിവിധ കമ്പനികളിൽ നിന്ന് 5500 ടാക്സികളാണ് ആർ.ടി.എ ഏറ്റെടുത്ത് നടത്തുന്നത്. കരീം കമ്പനിയുമായി സഹകരിച്ച് ഇവയെല്ലാം കരീം ആപ്പ് മുഖേന പ്രവർത്തിപ്പിക്കുകയാണ്. ഇവയിലെല്ലാം ഹൈടെക്സ് സംവിധാനം ലഭ്യമാക്കും. നിരക്ക് വർധന കൂടാതെ തന്നെ അധിക സേവനം ഒരുക്കുകയാണ് ആർ.ടി.എ
വിവിധ ലോക രാജ്യങ്ങളിൽ നിന്നും ദുബൈയിലെത്തുന്ന സന്ദർശകർക്ക് എല്ലാ സൗകര്യവും ഉറപ്പു വരുത്താനുള്ള നീക്കത്തിെൻറ ഭാഗമാണ് പുതിയ നടപടിയും. ഹിന്ദി ഉൾപ്പടെ 26 ഭാഷകൾ കൈകാര്യം ചെയ്യാൻ ഹൈടെക് ടാക്സികളിൽ ഇപ്പോൾ തന്നെ സംവിധാനമുണ്ട് .ടാക്സികളിൽ വൈഫൈയുമായി ബന്ധിപ്പിച്ച് ലക്ഷ്യസ്ഥാനം സ്വയം ടൈപ്പു ചെയ്തു നൽകാൻ സന്ദർശകർക്ക് സാധിക്കും. ആപ്പിലൂടെ തന്നെ പണം നൽകാനുള്ള സൗകര്യവും അടുത്ത ഘട്ടത്തിൽ നടപ്പാക്കാനാണ് തീരുമാനം.
യാത്രക്കാർക്ക് 50 എംബി ഡേറ്റാ സൗജന്യമായി ടാക്സികളിൽ ഉപയോഗിക്കാം. കൂടുതൽ ഡേറ്റാ ആവശ്യമെങ്കിൽ ആപ്പുവഴി വാങ്ങാം. മൊബൈൽ സേവന ദാതാക്കളായ ഡു വുമായി സഹകരിച്ചാണ് ഈ സൗകര്യം ഒരുക്കുന്നത്. 194 രാജ്യത്തു നിന്നുള്ളവർ ദുബായ് സന്ദർശിക്കാൻ എത്തുന്നുണ്ട്. ടാക്സികളിൽ ഇവർക്ക് അവരവരുടെ ഭാഷയിൽ ഡ്രൈവറുമായി സംസാരിക്കാൻ ഗൂഗിൾ ട്രാൻസിലേറ്ററിലൂടെ സാധിക്കും. ഹിന്ദി ഉൾപ്പടെ 26 ഭാഷകൾ കൈകാര്യം ചെയ്യാൻ ഹൈടെക് ടാക്സികളിൽ സംവിധാനമുണ്ട്.
ടാക്സികളിൽ വൈഫൈയുമായി ബന്ധിപ്പിച്ച് ലക്ഷ്യസ്ഥാനം സ്വയം ടൈപ്പു ചെയ്തു നൽകാൻ കഴിയും. ഇത് ഡ്രൈവർക്കു മുന്നിലെ സ്ക്രീനിലും തെളിയും. ആപ്പിലൂടെത്തന്നെ പണം നൽകാനുള്ള സൗകര്യവും അടുത്ത ഘട്ടത്തിൽ നടപ്പാക്കും. ഇപ്പോൾ ഡ്രൈവർക്ക് നേരിട്ടോ നോൾ കാർഡ് വഴിയോ ടാക്സിയിൽ യാത്രാക്കൂലി നൽകാം. കരിം ആപ്പ് വഴിയോ നേരിട്ട് റോഡിൽ നിന്നോ ടാക്സി ലഭിച്ചാലുടൻ മൊബൈലിലെ വൈഫൈ പ്രവർത്തിപ്പിച്ചാൽ taxiconnect.ae എന്ന സൈറ്റ് ലഭിക്കും. അതിൽ ക്ലിക്ക് ചെയ്താൽ ഡ്രൈവർക്കു മുന്നിലും നിങ്ങളുടെ മൊബൈലിലും ഒരുപോലെ സ്ക്രീനിൽ ദൂരവും സമയവും നിരക്കും അടക്കമുള്ള വിവരങ്ങൾ തെളിയും. ഇതിലൂടെ നിങ്ങൾക്ക് വിവിധ സേവനങ്ങൾ തിരഞ്ഞെടുക്കാം.
കരീം ആപ്പുവഴി പ്രവർത്തിക്കുന്നതു മൂലം കാത്തിരിപ്പ് സമയം കുറയ്ക്കാൻ കഴിഞ്ഞു എന്നതാണ് പ്രധാന നേട്ടമെന്ന് ഖാലിദ് അൽ അവാദി വ്യക്തമാക്കി. മുമ്പ് ബുക്ക് ചെയ്ത് ശരാശരി 12 മിനിറ്റ് കാത്തിരിക്കണമായിരുന്നു. ഇപ്പോൾ കരിം ആപ്പ് വഴി ബുക്ക് ചെയ്താൽ മൂന്നര മിനിറ്റിനുള്ളിൽ ടാക്സി ലഭിക്കും. വെറും ആറുമാസം കൊണ്ട് ഈ നേട്ടം കൈവരിക്കാൻ കഴിഞ്ഞു. പ്രതിവർഷം16.5 കോടി ആളുകൾ ദുബായിൽ ടാക്സി ഉപയോഗിക്കുന്നുണ്ട്. ഇതിനു പുറമെ പ്രതിവർഷം 1.6 കോടി സന്ദർശകരും ദുബായ് സന്ദർശിക്കുന്നു. ഇവരും ടാക്സി ഉപയോഗിക്കുന്നുണ്ട്.
https://www.facebook.com/Malayalivartha