ഒമാനില് വിവിധയിടങ്ങളില് കനത്ത മഴ; വരും ദിവസങ്ങളിലും ശക്തിപ്പെടാന് സാധ്യത, മുന്നറിയിപ്പുമായി അധികൃതര്
വ്യാഴാഴ്ച രാത്രിയോെട ഒമാനിലെ വിവിധയിടങ്ങളില് മഴ പെയ്തു. ഏകദേശം 20 മിനിറ്റോളം നീണ്ടുനിന്നു. അസ്ഥിര കാലാവസ്ഥ തുടരുന്നന്ന് വരും ദിവസങ്ങളില് ഇടിമിന്നലോടു കൂടിയുള്ള ശക്തമായ മഴക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം നല്കുന്ന സൂചന.
രാജ്യത്ത് താപനില കുറഞ്ഞുവരികയാണ്. അടുത്ത നാലുദിവസത്തിനകം താപനില വീണ്ടും കുറഞ്ഞേക്കുമെന്ന് പബ്ലിക് അതോറിറ്റി ഫോര് സിവില് ഏവിയേഷന് (പി.എ.സി.എ) അറിയിച്ചു. രാജ്യത്ത് മേഘാവൃതമായ കാലാവസ്ഥ തുടരുമെന്നും മസ്കത്ത്, ബാതിനയുടെ തെക്കുകിഴക്ക് ഭാഗങ്ങള്, ബുറൈമി, ദാഹിറ, മുസന്തം, ദാഖിലിയ ഭാഗങ്ങളില് തുടര്ദിവസങ്ങളില് ശക്തമായ മഴക്ക് സാധ്യതയുണ്ടെന്നും മുന്നറിയിപ്പില് ചൂണ്ടിക്കാട്ടുന്നു.
വിവിധ ഗവര്ണറേറ്റുകളില് ഇടക്കിടെയുള്ള മഴയും ശക്തമായ ഇടിമിന്നലുമുണ്ടാകുമെന്നും പി.എ.സി.എ വ്യക്തമാക്കുന്നു. മഴ ശക്തിപ്പെടാന് സാധ്യത കൂടുതലായതിനാല് ജനങ്ങള് അതിജാഗ്രത തുടരണമെന്നും നിര്ദേശമുണ്ട്. കടലില് പോകുന്നവര് ജാഗ്രതാ നിര്ദേശങ്ങള് കൃത്യമായി പാലിക്കണം. കടല്തീരങ്ങളില് സമയം ചെലവിടുന്നവരും ബീച്ചുകളില് എത്തുന്നവരും കാലാവസ്ഥ സംബന്ധിച്ച മുന്നറിയിപ്പ് ശ്രദ്ധിക്കണമെന്നും അധികൃതര് വ്യക്തമാക്കി..
https://www.facebook.com/Malayalivartha
