അലക്സ പണി കൊടുത്തു ; യുവതിക്ക് നഷ്ടമായത് അൻപതിനായിരം രൂപ; ഒടുവിൽ യുവതി തന്നെ പ്രതികളെ കീഴടക്കി
കുട്ടികളുടെ കുഞ്ഞു മോഷണശ്രമങ്ങൾ ചിലപ്പോൾ രസകരമാകാറുണ്ട്. അത്തരമൊരു മോഷണശ്രമം ഇപ്പോൾ സമൂഹ മാധ്യമങ്ങളിൽ വൈറലാകുകയാണ്. അമ്മയുടെ ക്രൈഡിറ്റ് കാര്ഡില് നിന്നും പണമുപയോഗിച്ച് വെര്ച്വല് അസിസ്റ്റന്റ് ഉപകരണമായ ആമസോണ് അലക്സ വഴി കളിപ്പാട്ടങ്ങള് വാങ്ങിയ ആറുവയസുകാരിയും സഹോദരനും ആണ് വീഡിയോയിലെ താരങ്ങൾ. അമേരിക്കക്കാരിയായ വെറോനിക്ക എസ്റ്റെല് ആണ് രസകരമായ വീഡിയോ സമൂഹമാധ്യമങ്ങളില് പങ്കുവെച്ചത്. ഇതിനോടകം വീഡിയോ വൈറലായിക്കഴിഞ്ഞിരിക്കുകയാണ്.
അമ്മ വീട്ടിലില്ലാതിരുന്ന സമയത്താണ് കുട്ടികൾ അലക്സ ഉപയോഗിച്ച് അക്കൗണ്ടിൽ നിന്നും പണം പിൻവലിച്ചതും പർച്ചേസിംഗ് നടത്തിയതും.എന്നാൽ കാര്ഡില് നിന്ന് പണം നഷ്ടമായത് അമ്മ ശ്രദ്ധിച്ചതുമില്ല. കുട്ടികള്ക്ക് ക്രിസ്തുമസ് സമ്മാനമായി കളിപ്പാട്ടങ്ങളുമായി എത്തിയ കൊറിയര് പൊതികള് കണ്ട് കുട്ടികളെ അന്തംവിട്ട അമ്മ മക്കളെ ചോദ്യം ചെയ്തപ്പോഴാണ് സംഗതി പുറത്താകുന്നത്. ചോദ്യം ചെയ്തപ്പോ തുടക്കത്തിൽ രണ്ടുപേർ കുറ്റം സമ്മതിച്ചില്ല. കളിപ്പാട്ടങ്ങൾ എങ്ങനെ എത്തി എന്ന് തങ്ങൾക്കറിയില്ലന്നു പറഞ്ഞു അനുജൻ തടിതപ്പുന്നു. എന്നാൽ ആര് വയസ്സുകാരി സഹോദരിയെ ചോദ്യം ചെയ്തപ്പോഴാണ് . ക്രെഡിറ്റ് കാര്ഡുമായി ബന്ധിപ്പിച്ചിട്ടുള്ള അലക്സയാണ് പണി പറ്റിച്ചതെന്ന് മനസിലാവുന്നത്.
ബാര്ബി പാവകളുടെ സെറ്റും പിജെ മാസ്കുകള് അണിഞ്ഞ കളിപ്പാട്ടങ്ങളും ബാറ്ററികളുമാണ് കുട്ടികള് കാർഡുപയോഗിച്ചു വാങ്ങിയത്. കുട്ടികള് ആവശ്യപ്പെട്ട കളിപ്പാട്ടങ്ങള് ക്രിസ്തുമസ് സമ്മാനമായി അമ്മ മുൻകൂട്ടി വാങ്ങിയിരുന്നു. ക്രെഡിറ്റ് കാര്ഡ് തട്ടിപ്പാണ് ജയിലില് അടക്കും പൊലീസിന് നല്കാന് ചിത്രമെടുക്കാന് ആവശ്യപ്പെടുമ്പോൾ കുട്ടികൾ നിഷ്കളങ്കമായി ചിരിക്കുന്നതും വിഡിയോയിൽ കാണാം.എന്നാല് അച്ഛനോട് പറയുമെന്ന് പറഞ്ഞതോടെയാണ് പെണ്കുട്ടി വിങ്ങിപ്പൊട്ടി കുറ്റം സമ്മതിക്കുന്നത്. ചേച്ചി പതറുന്നത് കണ്ടതോടെ നാലുവയസുകാരനും ഭയക്കുന്നു. രസകരമായ വീഡിയോ ഇതിനോടകം സമൂഹ മാധ്യമങ്ങളിൽ ലൈക്കുകളും കമ്മന്റുകളും കൊണ്ട് നിറഞ്ഞിരിക്കുകയാണ്.
https://www.facebook.com/Malayalivartha