2020 ഇനി നീലനിറത്തിൽ മിന്നും; പ്രഖ്യാപിച്ച് ഫാഷൻ ലോകം
ഓരോ വർഷവും ആ വർഷത്തെ നിറമായി ഫാഷൻ ലോകം ഒരു നിറത്തെ തിരഞ്ഞെടുക്കാറുണ്ട്. 2020 പിറക്കാൻ ഇനി വിരലിലെണ്ണാവുന്ന ദിനങ്ങൾ മാത്രം അവശേഷിക്കുമ്പോൾ പുതുവർഷത്തിന്റെ നിറം പ്രഖ്യാപിച്ചിരിക്കുകയാണ് ഫാഷൻ ലോകം. ക്ലാസിക് ബ്ലൂ നിറമാണ് പുതുവർഷത്തിന്റെ നിറമായി പാന്റോണ് തെരഞ്ഞെടുതിരിക്കുന്നത്. വൈകാരികമായും മാനസികമായും നീല നിറം പ്രതിനിധീകരിക്കുന്നത് ശാന്തതയും ആശ്രയത്വവുമാണ് എന്നാണ് പാന്റോൺ എക്സിക്യൂട്ടിവ് ഡയറക്ടർ ലിയാട്രിസ് ഈസ്മാൻ പറയുന്നത്. ജെൻഡർ വേര്തിരിവില്ലാത്ത, സീസണൽ വകഭേദങ്ങളില്ലാത്ത നിറമെന്നു കൂടി നീല നിറത്തെ വിശേഷിപ്പിക്കാമെന്നുകൂടി അദ്ദേഹം പറയുന്നു.
എന്നാൽ കഴിഞ്ഞയാഴ്ച പാന്റോൺ നിറം പ്രഖ്യാപിച്ചപ്പോൾ ചില വിമര്ശനങ്ങളും അതിനോടൊപ്പം ഉണ്ടായിരുന്നു. 20 വർഷം മുമ്പ് മിലനിയം നിറമായി പാന്റോൺ കണ്ടെത്തിയതും നീലയാണ് എന്നതാണ് ഇതിനു കാരണം. ഇക്കുറി പുതുമയൊന്നും കണ്ടെത്താനായില്ല എന്നാണ് വിമര്ശകര് അഭിപ്രായപ്പെടുന്നത്. എന്നാൽ ആൺകുട്ടികൾക്കും പെൺകുട്ടികൾക്കും ഒരുപോലെ പ്രിയങ്കരനാണ് നീല. വസ്ത്ര വ്യാപാര വിപണിയിൽ നീല എന്നും താരം തന്നെയാണ്.
https://www.facebook.com/Malayalivartha