വാടകയ്ക്കെടുത്ത വിമാനത്തിന് പുറത്ത് നായയുടെ ചിത്രവും പേരുവിവരങ്ങളും ചേര്ത്ത ബാനറും, ജാക്സണെ തേടി വിമാനം നഗരത്തില് പറന്നത് രണ്ടര മണിക്കുറോളം; ഞാന് ഒറ്റയ്ക്കായതിനാല് എല്ലാവരും സഹായിക്കണം.. കണ്ടെത്തുന്നവര്ക്ക് 7000 ഡോളര് പാരിതോഷികം
തന്റെ പ്രിയപ്പെട്ട വളർത്ത് നായയെ കാണാതായപ്പോള് ഒരു യുവതി ചെയ്തതാണ് ഇപ്പോള് സാമൂഹിക മാധ്യമങ്ങളില് ചര്ച്ച വിഷയമായിരിക്കുന്നത്. കാണാതായ തന്റെ ഓമന വളര്ത്തു നായയെ കണ്ടെത്താന് വിമാനം വാടകയ്ക്ക് എടുത്തിരിക്കുകയാണ് സാന്ഫ്രാന്സിസ്കോ സ്വദേശി എമിലി തലെര്മോ.ഗ്രോസറി ഷോപ്പിന് പുറത്ത് നിന്ന് തന്റെ ജാക്സന്നെ ആരോ മോഷ്ടിച്ചതാണെന്നും താന് ഒറ്റയ്ക്കായതിനാല് എല്ലാവരും സഹായിക്കണമെന്നും എമിലി ആവശ്യപ്പെടുന്നു. മാത്രമല്ല നായയെക്കുറിച്ച് വിവരങ്ങള് നല്ക്കുന്നവര്ക്ക് 7000 ഡോളര് പാരിതോഷികം നല്കുമെന്നും വാഗ്ദാനമുണ്ട്. അഞ്ചു വയസ്സുകാരനായ ജാക്സണ് വേണ്ടി ഒരു വെബ്സൈറ്റും ആരംഭിച്ചി്ട്ടുണ്ട്. പോസ്റ്ററുകളും നോട്ടീസുകളും അടിച്ച് നഗരത്തിലെല്ലാം വിതരണം ചെയ്ത് സുഹൃത്തുക്കളും എമിലിക്കൊപ്പമുണ്ട്. കഴിഞ്ഞയാഴ്ച മുതല് കാണാതായ ജാക്സണ് എന്ന ആസ്ട്രേലിയന് ഷെപേര്ഡിനെയാണ് കാണാതായത്. 1200 ഡോളറിന് വാടകയ്ക്കെടുത്ത വിമാനത്തിന് പുറത്ത് നായയുടെ ചിത്രവും പേരുവിവരങ്ങളും ചേര്ത്ത ബാനറും വെച്ചിട്ടുണ്ട്. ജാക്സണെ തേടി വിമാനം നഗരത്തില് പറന്നത് രണ്ടര മണിക്കുറോളമാണ്.
https://www.facebook.com/Malayalivartha
