ഫ്രഞ്ച് തലസ്ഥാനമായ പാരീസില്‍ അനധികൃതമായി ഡ്രോണ്‍ പറത്തിയ സംഭവത്തില്‍ അല്‍ ജസീറ ടിവിയിലെ മൂന്നു മാധ്യമപ്രവര്‍ത്തകര്‍ പിടിയിലായി. 70, 54, 36 വയസു വീതം പ്രായമുള്ളവരാണു പിടിയിലായത്.
ഈഫല്‍ ടവറിനും പാരീസിലെ മറ്റു പ്രമുഖ പ്രദേശങ്ങള്‍ക്കും മുകളിലൂടെ വ്യാഴാഴ്ച പുലര്‍ച്ചെയാണു ഡ്രോണ്‍ പറന്നിരുന്നത്. എന്തിനു വേണ്ടിയാണ് ഇവര്‍ ഡ്രോണ്‍ പറത്തിയതെന്ന കാര്യം വ്യക്തമല്ലെന്നു പാരീസ് പ്രോസിക്യൂട്ടറിന്റെ വക്താവ് ആഗ്‌നസ് തിബോര്‍ട്ട് ലെക്വിരി പറഞ്ഞു.
ഫ്രാന്‍സില്‍ ലൈസന്‍സില്ലാത്ത ഡ്രോണ്‍ പറത്തുന്നതു നിയമവിരുദ്ധമാണ്. കുറ്റം തെളിഞ്ഞാല്‍ ഇവര്‍ക്ക് ഒരു വര്‍ഷം തടവും 75,000 യൂറോ പിഴയും ഈടാക്കിയേക്കും.
കഴിഞ്ഞ ഒക്ടോബറില്‍ ഒരു ഇസ്രയേല്‍ ടൂറിസ്റ്റിനെ ഇത്തരത്തില്‍ പാരീസില്‍ അറസ്റ്റ് ചെയ്തിരുന്നു. അന്ന് 500 യൂറോ പിഴ ചുമത്തി ഒരു ദിവസത്തെ ജയില്‍വാസവും ഇയാള്‍ക്ക് ലഭിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha