അനധികൃതമായി മനുഷ്യക്കടത്ത് നടത്തിയ ബോട്ട് മറിഞ്ഞ് 15 പേരെ കാണാതായി. ചൈനയിലെ മക്കാവുവില്‍ വെള്ളിയാഴ്ച രാവിലെ പ്രാദേശിക സമയം 5.50നാണ് സംഭവം. 19 പേരുമായി പോയ ബോട്ടാണ് മറിഞ്ഞതെന്ന് മക്കാവു ഗവണ്‍മെന്റ് പറഞ്ഞു. മക്കാവുവിലേക്ക് അനധികൃതമായി കടക്കാന്‍ ശ്രമിച്ചവരാണ് ബോട്ടില്‍ ഉണ്ടായിരുന്നതെന്ന് സംശയിക്കുന്നതായും ഗവണ്‍മെന്റ് അറിയിച്ചു.
കാപ്റ്റനും രണ്ട് ജീവനക്കാരും പതിനാറ് യാത്രക്കാരുമാണ് ബോട്ടില്‍ ഉണ്ടായിരുന്നതെന്ന് ചൈനയുടെ ഔദ്യോഗിക വാര്‍ത്ത ഏജന്‍സിയായ സിന്‍ഹുവ റിപ്പോര്‍ട്ട് ചെയ്തു. രണ്ട് പുരുഷന്മാരും രണ്ടും സ്ത്രീകളും ഉള്‍പ്പടെ നാല് പേര്‍ സുരക്ഷിതരായി നീന്തി കരയിലെത്തിയിട്ടുണ്ട്. ഇവരെ പൊലീസ് അറസ്റ്റ് ചെയ്തു. കസ്റ്റംസ് അധികൃതര്‍ ബോട്ട് ഹാര്‍ബറിലെത്തിച്ചു. കാണാതായവര്‍ക്ക് വേണ്ടി രക്ഷാ പ്രവര്‍ത്തനം നടത്തുന്നുണ്ട്. എന്നാല്‍ വെള്ളത്തിന്റെ ശക്തമായ അടിയൊഴുക്ക് രക്ഷാ പ്രവര്‍ത്തനത്തിന് തടസമുണ്ടാക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha