ആശങ്കയുയര്‍ത്തി കൊറോണ... ചൈനയില്‍ കൊറോണ വൈറസ് ബാധയേറ്റ് രണ്ടുപേര്‍ മരിക്കുകയും 41 പേരിലേക്ക് രോഗം പടരുകയും ചെയ്തിട്ടുണ്ടെന്ന് ഔദ്യോഗിക സ്ഥിരീകരണം. ഇന്ത്യക്കാര്‍ ജാഗ്രത പാലിക്കണമെന്ന് കേന്ദ്ര ആരോഗ്യ മന്ത്രാലയത്തിന്റെ നിര്‍ദ്ദേശം. കൊറോണ എന്ന വൈറസ് ബാധയേറ്റ് രണ്ട് പേര്‍ മരിക്കുകയും 40 പേര്‍ക്ക് സ്ഥിരീകരിക്കുകയും ചെയ്‌തെന്ന് വാര്‍ത്തയാണ് പുറത്തു വരുന്നത് 1400 പേരിലേക്കെങ്കിലും രോഗം പരന്നിട്ടുണ്ടാകാമെന്നാണ് ലണ്ടന്‍ ആസ്ഥാനമായ ഇംപീരിയല്‍ കോളേജിന്റെ വെളിപ്പെടുത്തല്‍. സ്ഥിതിഗതികളില്‍ ആശങ്കയുണ്ടെന്ന് ചൈനയിലെ പകര്‍ച്ചവ്യാധി വിഭാഗവും വ്യക്തമാക്കി. മൃഗങ്ങളില്‍ നിന്ന് മനുഷ്യനിലേക്ക് പകരുന്ന വൈറസ് ബാധയുടെ ലക്ഷണങ്ങള്‍ പനി, ചുമ, തുമ്മല്‍ ഇവയെല്ലാമാണ്. ജലദോഷം മുതല്‍ ഗുരുതരമായ ശ്വാസകോശ രോഗങ്ങള്‍ക്ക് വരെ കാരണമാകുന്ന ഇവ മിഡില്‍ ഈസ്റ്റ് റസ്പിറേറ്ററി സിന്‍ഡ്രോമിനും സിവിയര്‍ അക്യൂട്ട് റസ്പിറേറ്ററി സിന്‍ഡ്രോമിനും കാരണക്കാര്‍ ആകാറുണ്ട്.
ജപ്പാനിലും തായ്‌ലണ്ടിലും വൈറസ് ബാധയേറ്റ് ആളുകള്‍ ചികിത്സയിലാണ്. വൈറസിന്റെ ഉത്ഭവകേന്ദ്രം കണ്ടെത്താനായിട്ടില്ല. മനുഷ്യരില്‍ നിന്ന് മനുഷ്യരിലേക്ക് വൈറസ് പടരുമോ എന്നത് സംബന്ധിച്ച് പഠനങ്ങള്‍ നടക്കുകയാണ്. ഇതിനോടകം 1700 പേരിലേക്കെങ്കിലും വൈറസ് പടര്‍ന്നിട്ടുണ്ടാകാമെന്നാണ് അവരുടെ വിലയിരുത്തല്‍. ചൈനക്ക് പുറത്തേക്കും കൊറോണ വൈറസ് എത്തിയിട്ടുണ്ടാകാമെന്നും എംആര്‍സി സെന്റര്‍ വിലയിരുത്തുന്നു. തായ്‌ലന്‍ഡില്‍ രണ്ടും ജപ്പാനില്‍ ഒരു കേസും റിപ്പോര്‍ട്ട് ചെയ്തത് ചൂണ്ടിക്കാട്ടിയാണ് ഈ മുന്നറിയിപ്പ്. ബ്രിട്ടീഷ് സര്‍ക്കാരിനും ലോകാരോഗ്യ സംഘടനക്കും ഉള്‍പ്പെടെ പകര്‍ച്ചവ്യാധികളെ കുറിച്ച് മുന്നറിയിപ്പ് നല്‍കുന്ന സ്ഥാപനമാണ് എംആര്‍സി.
വ്യൂഹാന്‍ നഗരത്തില്‍ ഡിസംബറില്‍ പൊട്ടിപുറപ്പെട്ട കൊറോണ വൈറസ് കരുതിയതിലും അപകടകാരിയാകുന്നുവെന്ന റിപ്പോര്‍ട്ടുകളാണ് പുറത്തുവരുന്നത്. ഇതിനോടകം രണ്ടുപേര്‍ മരിക്കുകയും 41 പേരിലേക്ക് രോഗം പടരുകയും ചെയ്തിട്ടുണ്ടെന്നാണ് ഔദ്യോഗിക സ്ഥിരീകരണം.

എന്നാല്‍ സ്ഥിതിഗതികളെ നിസ്സാരമായി കാണാനാകില്ലെന്നാണ് ആഗോളതലത്തില്‍ പകര്‍ച്ചവ്യാധികളെ കുറിച്ച് പഠിക്കുന്ന ലണ്ടനിലെ ഇംപീരിയല്‍ കോളേജിലെ എംആര്‍സി സെന്ററിന്റെ വിലയിരുത്തല്‍. മൃഗങ്ങള്‍ക്കിടയില്‍ നിരവധി കൊറോണ വൈറസുകള്‍ മുന്‍പും പടരുന്നുണ്ടെങ്കിലും അവ ഇതുവരെ മനുഷ്യരെ ബാധിച്ചിട്ടില്ല. വൈറസ് ബാധ വൃക്കയുടെ പ്രവര്‍ത്തനത്തെ പോലും ബാധിക്കാന്‍ സാധ്യതയുള്ളതിനാല്‍ മരണം പോലും അകലെയല്ലാത്ത അവസ്ഥയിലേക്ക് നയിക്കപ്പെടും.
മരുന്നോ ചികിത്സയോ കണ്ടെത്തിയിട്ടില്ലാത്തതിനാല്‍ പുതിയ വൈറസിനെതിരെ ലോകമെങ്ങുമുള്ള ആശുപത്രികള്‍ ജാഗ്രത പുലര്‍ത്തണമെന്നു ലോകാരോഗ്യ സംഘടന നിര്‍ദേശിച്ചതായി എമേര്‍ജിങ് ഡിസീസ് വിഭാഗത്തിന്റെ ചുമതലയുള്ള മരിയ വാന്‍ കെര്‍ഖോവ് പറഞ്ഞു. വൈറസ് ബാധയെപ്പറ്റി ചൈനയിലുള്ള യുഎസ് പൗരന്മാര്‍ക്ക് യുഎസ് സ്റ്റേറ്റ് ഡിപ്പാര്‍ട്‌മെന്റ് മുന്നറിയിപ്പു നല്‍കിയിട്ടുണ്ട്.
മുന്നറിയിപ്പിനെ തുടര്‍ന്ന് സിംഗപ്പൂരും ഹോങ്കോംഗും വ്യൂഹാനില്‍ നിന്നുള്ള യാത്രക്കാര്‍ക്ക് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. സാന്‍ഫ്രാന്‍സിസ്‌കോ, ന്യൂയോര്‍ക്ക്, ലോസ് എയ്ഞലസ് വിമാനത്താവളങ്ങളില്‍ അമേരിക്കയും നിയന്ത്രണങ്ങള്‍ ഏര്‍പ്പെടുത്തി. ചൈനയിലേക്ക് പോകുന്ന ഇന്ത്യക്കാര്‍ ജാഗ്രത പാലിക്കണമെന്ന് കേന്ദ്ര ആരോഗ്യ മന്ത്രാലയവും നിര്‍ദ്ദേശം നല്‍കി. ജലദോഷമായിട്ടാണ് തുടങ്ങുകയെങ്കിലും ഗുരുതരമായ ശ്വാസകോശപ്രശ്‌നങ്ങള്‍ക്ക് വഴിവയ്ക്കുന്നതാണ് കൊറോണ വൈറസ്.പടരുന്നതായി റിപ്പോര്‍ട്ടുകള്‍.വൈറസ് ബാധയേറ്റ് രണ്ട് പേര്‍ മരിക്കുകയും 40 പേര്‍ ചികിത്സ തേടുകയും ചെയ്തു.ശ്വാസകോശം സംബന്ധിച്ച അസുഖങ്ങളിലേക്കാണ് വൈറസ് ബാധ വഴിവയ്ക്കുക. സാര്‍സ് പോലെ തന്നെ അപകടകാരിയാണ് കൊറോണയെന്നും റിപ്പോര്‍ട്ടുകളുണ്ട്.മധ്യ ചൈനയിലെ പട്ടണങ്ങളിലൊന്നായ വൂഹായിലാണ് ആദ്യമായി വൈറസ് ബാധ സ്ഥിരീകരിച്ചത്.