എറണാകുളത്ത് പുഴയോരത്ത് സ്ഥാപിച്ചിരുന്ന പാര്‍ക്ക് ഇടിഞ്ഞ് താണു. പിറവം പാഴൂര്‍ ആറ്റുതീരം പാര്‍ക്കാണ് മൂവാറ്റുപുഴ ആറിലേക്ക് ഇടിഞ്ഞത്. ഇന്ന് രാവിലെയായിരുന്നു അപകടം. പാര്‍ക്കിന്റെ 200 മീറ്റര്‍ ഭാഗമാണ് ഇടിഞ്ഞത്. ഇനിയും കൂടുതല്‍ ഭാഗം ഇടിയാന്‍ സാദ്ധ്യതയുണ്ട്.

നവീകരിച്ച പാര്‍ക്കില്‍ എന്നും രാവിലെ നിരവധി ആളുകള്‍ എത്താറുണ്ട്. അപകടസമയം ആളുകള്‍ ഇല്ലാതിരുന്നതിനാല്‍ വന്‍ ദുരന്തം ഒഴിവായി. പാര്‍ക്കിന്റെ കൂടുതല്‍ ഭാഗം ഇടിയാന്‍ സാദ്ധ്യതയുള്ളതിനാല്‍ പൊതുജനങ്ങള്‍ക്കുള്ള പ്രവേശനം നിരോധിച്ചിരിക്കുകയാണ്.