തീരദേശ റെയിൽപ്പാതയിൽ പാളം മുറിച്ച് കടക്കവേ തീവണ്ടി തട്ടി ഗൃഹനാഥന് ദാരുണാന്ത്യം. എഴുപുന്ന ഗ്രാമപ്പഞ്ചായത്ത് 13-ാം വാർഡ് കൊച്ചുമുറിയിൽ ഈശി (84) ആണ് മരിച്ചത്.

ഞായറാഴ്ച വൈകുന്നേരം നാലര മണിയോടെയായിരുന്നു സംഭവം നടന്നത്. എഴുപുന്ന റെയിൽവേ ഗേറ്റിന് വടക്ക് വശത്തായിരുന്നു അപകടം നടന്നത്. കടയിൽ നിന്ന് ചായ കുടിച്ച് തിരികെ വീട്ടിലേക്ക് മടങ്ങുകയായിരുന്നു ഈശി.

കേൾവി ശക്തി കുറവായതിനാൽ തീവണ്ടി വരുന്ന ശബ്ദം കേൾക്കാതെ പോയതാണ് അപകട കാരണമെന്നാണ് സൂചനകളുള്ളത്. കണ്ണൂർ-ആലപ്പുഴ എക്സ്പ്രസ് തീവണ്ടിയാണ് തട്ടിയത്. ഭാര്യ: അൽഫോൻസ്. മക്കൾ: ബിജു, ബിന്ദു, വിജി. അരൂർ പൊലീസ് മേൽനടപടികൾ സ്വീകരിച്ചു. ഇന്ന് പോസ്റ്റ്മോർട്ടത്തിന് ശേഷം മൃതശരീരം ബന്ധുക്കൾക്ക് വിട്ടുനൽകും.