അച്ഛനും അമ്മയും അനിയനും പോയതറിയാതെ മാധവ്.... അച്ഛനും അമ്മയും ആശുപത്രിയിലാണെന്നുപറഞ്ഞ് വിവരമറിയിക്കാതെയാണ് നാട്ടിലെത്തിച്ചത്, ആഹ്ളാദത്തോടെ പുറത്തുവന്ന മാധവിന് കണ്ട് ഉള്ളു വിങ്ങി ബന്ധുക്കള്
അച്ഛനും അമ്മയും അനിയനും പോയതറിയാതെ മാധവ്.... അച്ഛനും അമ്മയും ആശുപത്രിയിലാണെന്നുപറഞ്ഞ് വിവരമറിയിക്കാതെയാണ് നാട്ടിലെത്തിച്ചത്, ആഹ്ളാദത്തോടെ പുറത്തുവന്ന മാധവിന് കണ്ട് ഉള്ളു വിങ്ങി ബന്ധുക്കള്. കാഠ്മണ്ഡുവില് നിന്നു മടങ്ങുമ്പോള് അച്ഛനും അമ്മയും അനിയനും കൂടെയില്ലെങ്കിലും മാധവ് സന്തോഷത്തില് തന്നെയായിരുന്നു. അവനൊപ്പം കളിക്കാന് കൂട്ടുകാരി ഗൗരിയുണ്ട്. അഞ്ചു വയസ്സുകാരി ഗൗരി ലക്ഷ്മിക്കും അമ്മ അശ്വതിക്കുമൊപ്പം മാധവ് ഇന്നലെ വൈകീട്ട് മൂന്നരയോടെ ഡല്ഹി വിമാനത്താവളത്തില് വന്നിറങ്ങുമ്പോള് ചെറിയച്ഛന് അനീഷ് കാത്തുനില്ക്കുന്നുണ്ടായിരുന്നു.
ആഹ്ളാദത്തോടെ പുറത്തുവന്ന മാധവിനും ഗൗരിക്കും അനീഷ് ഓരോ ലെയ്സ് പായ്ക്കറ്റു വാങ്ങിക്കൊടുത്തു. പായ്ക്കറ്റിനു പുറത്തുള്ള മീശ വെച്ചയാളുടെ ചിത്രം തന്റെ മുഖത്തോടു ചേര്ത്ത് മാധവ് ഗൗരിക്കു കാണിച്ചുകൊടുത്തു. കുട്ടികളുടെ കളിചിരികള്ക്കിടയില് ഉള്ളു വിങ്ങിനില്ക്കുകയായിരുന്നു അനീഷും അശ്വതിയും. അച്ഛനുമമ്മയും അനിയനും മറ്റൊരുലോകത്തേക്ക് യാത്രയായതൊന്നും രണ്ടാം ക്ലാസുകാരനായ മാധവ് ഇനിയുമറിഞ്ഞിട്ടില്ല. കഴിഞ്ഞദിവസം നേപ്പാള് ദാമനിലെ ദുരന്തത്തില് മരിച്ച രഞ്ജിത്-ഇന്ദുലക്ഷ്മി ദമ്പതിമാരുടെ മൂത്തമകനാണ് മാധവ്. കുഞ്ഞനിയന് വൈഷ്ണവും അപകടത്തില് മരിച്ചിരുന്നു.
പോസ്റ്റ്മോര്ട്ടം കഴിഞ്ഞ മൃതദേഹങ്ങള് കാഠ്മണ്ഡുവിലെ ത്രിഭുവന് ടീച്ചിങ് ആശുപത്രിയില് സൂക്ഷിച്ചിരിക്കുകയാണ്. രഞ്ജിത്തിന്റെ സഹപാഠി ജയകൃഷ്ണന്റെ ഭാര്യ അശ്വതിക്കും മകള്ക്കുമൊപ്പം മാധവിനെ കാഠ്മണ്ഡുവില്നിന്ന് ഇന്ഡിഗോ വിമാനത്തില് ഡല്ഹിക്കയച്ചു. ഇന്ദുവിന്റെ അനിയത്തിയുടെ ഭര്ത്താവും ജവാനുമായ അനീഷ് ഉച്ചമുതലേ അവിടെ കാത്തുനില്പ്പുണ്ടായിരുന്നു. അശ്വതിക്കൊപ്പം മാധവിനെകൂട്ടി അനീഷ് വൈകുന്നേരത്തെ വിമാനത്തില് നാട്ടിലേക്കു തിരിച്ചു. അന്താരാഷ്ട്ര വിമാനത്താവളത്തിനു പുറത്തിറങ്ങി ആഭ്യന്തര ടെര്മിനലിലേക്കു പോകുന്ന വഴിയില് ഉടനീളം ഓടിച്ചാടിയും ചിരിച്ചും ഗൗരിക്കൊപ്പം കളിക്കുകയായിരുന്നു മാധവ്.ദാമനിലെ റിസോര്ട്ട് മുറിയില് ഹീറ്റര് പ്രവര്ത്തിക്കാത്തതിനാല് രഞ്ജിത്തിന്റെ കുടുംബം പ്രവീണ് താമസിക്കുന്ന മുറിയിലേക്കു മാറിയതായിരുന്നു.
മാധവ് നല്ല ഉറക്കത്തിലായതിനാല് ഒപ്പം കൂട്ടിയില്ല. അതിനാല്, അവന് അദ്ഭുതകരമായി രക്ഷപ്പെട്ടു. അച്ഛനും അമ്മയും ആശുപത്രിയിലാണെന്നുപറഞ്ഞ് വിവരമറിയിക്കാതെ അവനെ നാട്ടിലെത്തിച്ചിരിക്കുകയാണ് രഞ്ജിത്തിന്റെ സുഹൃത്തുക്കള്.
https://www.facebook.com/Malayalivartha