ദൈവദുതനെപ്പോലെത്തിയ ഡോക്ടര്‍. അപകടത്തില്‍ കഴുത്തുമുറിഞ്ഞ് മരണത്തെ മുഖാമുഖം കണ്ട യുവാവിന് രക്ഷകയായത് വഴിയാത്രക്കാരിയായ വനിതാഡോക്ടര്‍ . ബാങ്കോക്കിനുസമീപം കഴിഞ്ഞദിവസമായിരുന്നു സംഭവം. ഇതിന്റെ വീഡിയോ ഇപ്പോള്‍ ഇന്റര്‍ നെറ്റില്‍ പരക്കുകയാണ്. ഒപ്പം മനുഷ്യപ്പറ്റുള്ള ഡോക്ടര്‍ക്ക് ആശംസകളും. ബാങ്കോക്കിലെ മഹുഡോള്‍ യൂണിവേഴ്‌സിറ്റിയിലെ ലക്ചററായ പ്രേവ മിട്രാക്കുള്‍ എന്ന മുപ്പതുകാരിയാണ് മറ്റുള്ളവര്‍ അന്തംവിട്ടുനോക്കിനില്‍ക്കെ യുവാവിന്റെ ജീവന്‍ രക്ഷിച്ചത്.
തിരക്കേറിയ ഹൈവേയില്‍ ബൈക്കും ട്രക്കും കൂട്ടിയിടിച്ചുണ്ടായ അപകടത്തിലാണ് മുപ്പതുകാരനായ യുവാവിന് പരിക്കേറ്റത്. ട്രക്കിന്റെ ഗ്‌ളാസ് കുത്തിക്കയറി യുവാവിന്റെ കഴുത്തിന് ആഴത്തില്‍ മുറിവേല്‍ക്കുകയായിരുന്നു. വേദനകൊണ്ട് യുവാവ് അലറിക്കരഞ്ഞെങ്കിലും രംഗം കണ്ട് ഭയന്ന് ആരും രക്ഷിക്കാനായി അടുത്തെത്തിയില്ല. ഇതിനിടെ ധാരാളം രക്തവും വാര്‍ന്നുപോയി. ഈ സമയത്താണ് പ്രേവ അതുവഴി ആശുപത്രിയിലേക്ക് കാറില്‍ പോയത്. യുവാവിന്റെ അവസ്ഥകണ്ട് കാര്‍ നിറുത്തി പ്രേവ പാഞ്ഞെത്തുകയായിരുന്നു. രക്തംപ്രവാഹം നിറുത്തുകയാണ് അവര്‍ ആദ്യംചെയ്തത്. പിന്നെ മുറിവ് വച്ചുകെട്ടി. തന്റെ പക്കലുണ്ടായിരുന്ന അത്യാവശ്യം സാധനങ്ങള്‍ കൊണ്ടായിരുന്നു പ്രേവ ഇതുചെയ്തത്. പ്രേവയുടെ പ്രവൃത്തികണ്ടതോടെ കാഴ്ക്കാരായി നിന്ന ചിലരും സഹായത്തിനായി എത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha