ഇംഗ്ലണ്ടില് ട്രെയിന് വൈകിയാല് യാത്രക്കാര്ക്കു നഷ്ടപരിഹാരം കിട്ടുന്ന സംവിധാനം വരുന്നു
ഇംഗ്ലണ്ടില് ട്രെയിന് വൈകിയാല് യാത്രക്കാര്ക്കു നഷ്ടപരിഹാരം കിട്ടുന്ന സംവിധാനം ഏര്പ്പെടുത്തുന്നു. ട്രെയിന് രണ്ടു മിനിറ്റോ അതില് കൂടുതലോ വൈകിയാലാണ് ഇതു കിട്ടുക. ഒരു മണിക്കൂറില് കൂടുതല് വൈകിയാല് ടിക്കറ്റിന്റെ മുഴുവന് പണവും തിരിച്ചുകിട്ടും. അതായത്, യാത്രചെയ്യുകയും ചെയ്യാം; പണം തിരിച്ചുകിട്ടുകയും ചെയ്യും!
പൈസ യാത്രക്കാരുടെ അക്കൗണ്ടിലേക്കു നേരിട്ടെത്തും. അപേക്ഷയും മറ്റുമായി പുറകേ നടക്കേണ്ട കാര്യമില്ലെന്നര്ഥം. മൊബൈല് ആപ്പ്, സ്മാര്ട്ട് ടിക്കറ്റ്, ക്രെഡിറ്റ് കാര്ഡ്, ഇന്റര്നെറ്റ് ബുക്കിങ് വഴി ട്രെയിന് യാത്രയ്ക്കു ടിക്കറ്റെടുക്കുന്നവരുടെ ബാങ്ക് അക്കൗണ്ടിലേക്കു നേരിട്ടു നഷ്ടപരിഹാരമെത്തുന്ന രീതിയിലാവും സംവിധാനം.
ട്രെയിനുകള് സമയം പാലിക്കുന്നുവെന്ന് ഉറപ്പുവരുത്തുകയാണു പുതിയ സംവിധാനത്തിന്റെ ലക്ഷ്യം. വിവിധ ട്രെയിന് ഓപ്പറേറ്റര്മാരെ പദ്ധതിയുമായി സഹകരിപ്പിക്കാന് നിര്ബന്ധിക്കുകയാണു സര്ക്കാര്. ഒരു പ്രദേശത്തു പരീക്ഷണാര്ഥം നടപ്പാക്കിയശേഷം മറ്റു സ്ഥലങ്ങളിലേക്കു കൂടി വ്യാപിപ്പിക്കാനാണ് അധികൃതരുടെ തീരുമാനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
