ഇറാനിലെത്തിയ 254 ഇന്ത്യന്‍ തീര്‍ത്ഥാടകര്‍ക്ക് കോവിഡ് 19 സ്ഥിരീകരിച്ചതായി റിപ്പോര്‍ട്ട്. ഇന്ത്യ അയച്ച വിദഗ്ധ സംഘമാണ് വൈറസ് സ്ഥിരീകരണം നടത്തിയത്. ഷിയ മുസ്ലിം വിഭാഗത്തിന്റെ പുണ്യസ്ഥലങ്ങള്‍ സന്ദര്‍ശിക്കാന്‍ എത്തിയവരാണ് ഇവര്‍. ഇവര്‍ക്ക് എല്ലാ സൗകര്യങ്ങളും ഒരുക്കുമെന്നും നാട്ടിലേക്ക് മടക്കി അയക്കാനുള്ള നടപടി സ്വീകരിക്കുമെന്നും ഇറാനിലെ ഇന്ത്യന്‍ എംബസി വ്യക്തമാക്കി. അതേസമയം രോഗം ബാധിച്ച് ഇറാനില്‍ മരിച്ചവരുടെ എണ്ണം 988ആയി. 16,00പേരില്‍ കോവിഡ് സ്ഥിരീകരിച്ചിട്ടുണ്ടെന്നാണ് വിവരം.