ചൈനക്ക് പിന്നാലെ കൊറോണ വ്യാപകമായി പടര്‍ന്നു പിടിച്ച ഇറ്റലിയില്‍ മരണ സംഖ്യ അയ്യായിരത്തോട് അടുക്കുന്നു. ഇതുവരെ 4,825 മരണങ്ങളാണ് റിപ്പോര്‍ട്ട് ചെയ്തിരിക്കുന്നത്. കഴിഞ്ഞ 24 മണിക്കൂറിനുള്ളില്‍ മാത്രം 793 പേരാണ് മരിച്ചത്. 6557 പേര്‍ക്ക് പുതുതായി രോഗബാധ സ്ഥിരീകരിച്ചു.

സ്പെ​യി​ന്‍, അ​മേ​രി​ക്ക, ജ​ര്‍​മ​നി തു​ട​ങ്ങി​യ രാ​ജ്യ​ങ്ങ​ളി​ലും രോ​ഗി​ക​ളു​ടെ എ​ണ്ണ​ത്തി​ല്‍ കു​ത്ത​നെ വ​ര്‍​ധ​ന​വു​ണ്ടാ​കു​ന്നു​ണ്ട്. എ​ന്നാ​ല്‍ ജ​ര്‍​മ​നി​യി​ല്‍ മ​ര​ണ​നി​ര​ക്ക് പി​ടി​ച്ചു​നി​ര്‍​ത്താ​ന്‍ ഭ​ര​ണ​കൂ​ട​ത്തി​നു സാ​ധി​ച്ചു. 21,854 പേ​ര്‍​ക്ക് രോ​ഗം സ്ഥി​രീ​ക​രി​ച്ചെ​ങ്കി​ലും 77 പേ​ര്‍ മാ​ത്ര​മാ​ണ് ജ​ര്‍​മ​നി​യി​ല്‍ മ​രി​ച്ചി​രി​ക്കു​ന്ന​ത്.ഇ​റ്റ​ലി​യി​ലെ മ​ര​ണ​നി​ര​ക്ക് കൂ​ടി പു​റ​ത്തു​വ​ന്ന​തോ​ടെ ലോ​ക​ത്ത് കോ​വി​ഡ് ബാ​ധി​ച്ച്‌ ആ​കെ മ​രി​ച്ച​വ​രു​ടെ എ​ണ്ണം 12,000 ക​വി​ഞ്ഞു.
കൊറോണ വൈറസ് തടയാൻ വിവിധ രാജ്യങ്ങൾ പ്രതിരോധനടപടികൾ കടുപ്പിച്ചപ്പോൾ വീട്ടിൽനിന്ന് പുറത്തിറങ്ങാൻ കഴിയാതായത് നൂറുകോടി പേർക്ക്. യൂറോപ്പിലെയും ഏഷ്യയിലെയും ഏതാനും രാജ്യങ്ങളും അമേരിക്കയിലെ ചില സംസ്ഥാനങ്ങളുമാണ് പൗരന്മാരോട് വീടുകളിൽതന്നെ കഴിയാൻ ആവശ്യപ്പെട്ടിരിക്കുന്നത്. ജനങ്ങളുടെ നീക്കങ്ങൾ നിയന്ത്രിച്ചും സ്കൂളുകൾ പൂട്ടിയും ലക്ഷക്കണക്കിനുപേരോട് വീട്ടിലിരുന്ന് ജോലിചെയ്യാൻ ആവശ്യപ്പെട്ടുമാണ് ലോകം മഹാമാരിക്കെതിരേ പോരാടുന്നത്.

35 രാജ്യങ്ങളാണ് വീട്ടിൽനിന്ന് പുറത്തിറങ്ങരുതെന്ന പൗരന്മാർക്ക് നിർദേശം നൽകിയിരിക്കുന്നത്. വിവിധരാജ്യങ്ങളിലായി മറ്റൊരു 60 കോടി പേർ സർക്കാരുകളുടെ ശക്തമായ നിയന്ത്രണങ്ങളിലുമാണ്.വൈറസ് ബാധിതർ 625 ആയതോടെ നിയന്ത്രണങ്ങൾ ഏർപ്പെടുത്തി പാകിസ്താൻ. അന്താരാഷ്ട്ര വിമാനസർവീസുകൾ രണ്ടാഴ്ചത്തേക്ക് നിർത്തിവെച്ചു. തീവണ്ടി സർവീകളും കുറച്ചു. സിന്ധ് പ്രവിശ്യയിലാണ് കൂടുതൽ പേർക്ക് രോഗം ബാധിച്ചിട്ടുള്ളത്. ഇവിടെ ശനിയാഴ്ച 90 പേർക്കുകൂടി വൈറസ് സ്ഥിരീകരിച്ചതോടെ രോഗബാധിതർ 357 ആയി. ഇറാനിൽ തീർഥാടനത്തിനുപോയി തിരിച്ചെത്തിയവരാണ് ഇതിൽ കൂടുതലും. അത്യാവശ്യമില്ലാത്ത യാത്രകൾ ഒഴിവാക്കാൻ പാക് പ്രധാനമന്ത്രി ഇമ്രാൻഖാൻ പൗരന്മാരോട് ആവശ്യപ്പെട്ടു.