ഓസ്‌ട്രേലിയന്‍ മുന്‍ പ്രധാനമന്ത്രി ജോണ്‍ മാല്‍ക്കം ഫ്രേസര്‍(84) അന്തരിച്ചു. വാര്‍ധക്യ സഹജമായ അസുഖത്തെ തുടര്‍ന്ന് വെള്ളിയാഴ്ച പുലര്‍ച്ചെയാണ് അന്ത്യം. 1975-1983 കാലഘട്ടത്തില്‍ ഓസ്‌ട്രേലിയന്‍ പ്രധാനമന്ത്രിയായിരുന്നു.
1930 മെയ് 30 ന് വിക്‌ടോറിയയില്‍ ജനനം. 1954-ല്‍ ഓസ്‌ട്രേലിയന്‍ ലിബറല്‍ പാര്‍ട്ടിയുടെ പ്രവര്‍ത്തനകനായി രാഷ്ട്രീയ രംഗത്തേക്ക് അദ്ദേഹം കടന്നു വന്നു. 1955- ല്‍ ഓസ്‌ട്രേലിയന്‍ പാര്‍ലമെന്റ് അംഗമായി തെരഞ്ഞെടുക്കപ്പെട്ടു. 1969-ല്‍ പ്രതിരോധ മന്ത്രിയായി മന്ത്രിസഭയിലെത്തി.

1975-ല്‍ ബിറ്റി സ്‌നേഡനെ പരാജയപ്പെടുത്തി ഓസ്‌ട്രേലിയന്‍ ലിബറല്‍ പാര്‍ട്ടിയുടെ നേതാവായി. പാര്‍ലമെന്റ് ഉപരിസഭയില്‍ ഭൂരിപക്ഷമില്ലാതിരുന്ന അന്നത്തെ പ്രധാനമന്ത്രി ഗോ വിറ്റ്‌ലാമിനെ രാജ്ഞിയുടെ പ്രതിനിധിയായ ഗവര്‍ണര്‍ ജനറല്‍ അധികാരത്തില്‍ നിന്ന് പുറത്താക്കി. ഇതേതുടര്‍ന്ന് 1975 നവംബര്‍ 11 ന് ഓസ്‌ട്രേലിയയുടെ ഇരുപത്തിരണ്ടാം പ്രധാനമന്ത്രിയായി ഫ്രേസര്‍ അധികാരത്തിലെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha