ശ്രീലങ്കയില്‍ 279 പേരുടെ മരണത്തിന് ഇടയാക്കി കഴിഞ്ഞ വര്‍ഷം ഈസ്റ്ററിന് ബോംബ് സ്‌ഫോടനം നടത്തിയ ചാവേറുകളോടു ക്ഷമിച്ചതായി ശ്രീലങ്കയിലെ റോമന്‍ കത്തോലിക്കാ പള്ളി.

'ഞങ്ങളെ നശിപ്പിക്കാന്‍ ശ്രമിച്ച ശത്രുക്കള്‍ക്കു സ്‌നേഹമാണു ഞങ്ങള്‍ നല്‍കിയത്. അവരോടു ക്ഷമിച്ചു കഴിഞ്ഞു'- കര്‍ദിനാള്‍ പറഞ്ഞു.

കോവിഡ് ഭീതിയില്‍ പൊതുചടങ്ങുകള്‍ ഒഴിവാക്കി ടിവിയിലൂടെ നല്‍കിയ ഈസ്റ്റര്‍ സന്ദേശത്തിലാണ് കര്‍ദിനാള്‍ മാല്‍കം രഞ്ജിത് ക്ഷമയുടെ അനുഭവം പങ്കുവച്ചത്.

കഴിഞ്ഞ വര്‍ഷത്തെ ഈസ്റ്റര്‍ ദിനമായ ഏപ്രില്‍ 21-ന് 3 കത്തോലിക്കാ പള്ളികളിലും 3 ആഡംബര ഹോട്ടലുകളിലുമായിരുന്നു ചാവേര്‍ ആക്രമണം.

593 പേര്‍ക്കു പരുക്കേല്‍ക്കുകയും ചെയ്തു. സംഭവവുമായി ബന്ധപ്പെട്ട് 135 പേര്‍ അറസ്റ്റിലായി. അവര്‍ക്കെതിരെ ഇനിയും കുറ്റപത്രം സമര്‍പ്പിച്ചിട്ടില്ല.