കൊറോണ വ്യാപനം മൂലം വ്യോമഗതാഗതത്തിൽ ഏറെകാലമായി നീണ്ടുനിന്ന അനിശ്ചിതത്വം നീങ്ങുന്നു. പ്രവാസികൾക്ക് ശുഭപ്രതീക്ഷപകർന്നുകൊണ്ട് വിദേശ രാജ്യങ്ങളിലേക്കുള്ള ടിക്കറ്റ് ബുക്കിങ് എയര്‍ ഇന്ത്യ ആരംഭിച്ചതായി റിപ്പോർട്ട്. പ്രവാസികൾ ഏറെ ആശ്രയിച്ചുപോരുന്ന ലണ്ടന്‍, അമേരിക്ക, സിങ്കപ്പൂര്‍ എന്നിവിടങ്ങളിലേക്കുള്ള ബുക്കിങ് ആണ് ആരംഭിച്ചത് എന്നാണ് ലഭ്യമാകുന്ന വിവരം. കൊറോണ വ്യാപനത്തിന്റെ ഭാഗമായി പ്രവാസലോകത്ത് കുടുങ്ങിപ്പോയ പ്രവാസികളെ നാട്ടിലേക്ക് എത്തിക്കുന്ന വന്ദേഭാരത് എന്ന മിഷന്റെ ഭാഗമായി പ്രവാസികളെ കൊണ്ടുവരാന്‍ പോകുന്ന വിമാനങ്ങളിലാണ് യാത്രക്കാരെ കൊണ്ടുപോവുക.

ഇതേതുടർന്ന് ആഭ്യന്തര മന്ത്രാലയം പുറത്തിറക്കിയ മാര്‍ഗരേഖയുടെ അടിസ്ഥാനത്തിലാണ് ബുക്കിങ് എന്ന് എയര്‍ ഇന്ത്യ അറിയിക്കുകയുണ്ടായി. വന്ദേ ഭാരത് മിഷന്റെ ഭാഗമായി ബുക്കിങ് ആരംഭിച്ച കാര്യം ഇന്നലെ രാത്രി വാര്‍ത്താക്കുറിപ്പിലൂടെയാണ് എയര്‍ ഇന്ത്യ വിശദീകരിച്ചിരുന്നത്. ആദ്യഘട്ടത്തില്‍ തന്നെ ലണ്ടന്‍, അമേരിക്ക, സിങ്കപ്പൂര്‍ എന്നിവിടങ്ങളിലേക്കാണ് ബുക്കിങ് പരിമിതപ്പെടുത്തിയിരിക്കുന്നത്. ഇത് ഗള്‍ഫ് രാജ്യങ്ങളിലേക്ക് ഉള്‍പ്പടെ വ്യാപിപ്പിക്കാനുള്ള സാധ്യതയുണ്ട് എന്നാണ് എയര്‍ ഇന്ത്യ വൃത്തങ്ങള്‍ നല്‍കുന്ന സൂചന എന്നത്.

അതോടൊപ്പം തന്നെ ഗള്‍ഫ് രാജ്യങ്ങളില്‍ ഉള്ളവരെ സംബന്ധിച്ചിടത്തോളം ആശ്വാസകരമായ വാര്‍ത്തകൂടിയാണ് ഇത്. വിവിധരാജ്യങ്ങളില്‍ ജോലിയുണ്ടായിരുന്നവര്‍ അവധിക്കായി നാട്ടിലെത്തുകയും അവര്‍ക്ക് തിരികെ പോകാന്‍ സാധിക്കാതെ വരികയും ചെയ്ത സാഹചര്യം ഉരുവായിരുന്നു. തുടർന്ന് ഇതിന്റെ അടിസ്ഥാനത്തില്‍ യാത്രക്കായി സാഹചര്യം ഒരുക്കണമെന്ന് വിവിധ മലയാളി സംഘടനകള്‍ അടക്കം കേന്ദ്ര വിദേശകാര്യ മന്ത്രാലയത്തിന് നിവേദനവും നല്‍കിയിരുന്നു.

എന്നാൽ തന്നെയും കേന്ദ്ര ആഭ്യന്തര മന്ത്രാലയം പുറത്തിറക്കിയ മാര്‍ഗരേഖ അടിസ്ഥാനമായിരിക്കും യാത്ര അനുവദിക്കുക. ഒസിഐ കാര്‍ഡുള്ള ഇന്ത്യക്കാര്‍ അതുപോലെതന്നെ ആറുമാസത്തിലധികം വിസയുള്ള ഇന്ത്യക്കാര്‍, ഇന്ത്യയില്‍ കുടുങ്ങിപ്പോയിരിക്കുന്ന വിദേശികള്‍ എന്നിവർക്കാണ് ബുക്കിങ്ങിന് അവസരം ഉണ്ടായിരിക്കുക. എന്നാല്‍ ഏതുരാജ്യത്തേക്കാണോ പോകുന്നത് ആ രാജ്യക്കാര്‍ യാത്രക്കാരെ സ്വീകരിക്കാന്‍ തയ്യാറായിരിക്കണം എന്ന നിബന്ധനയും ഉൾപ്പെടുത്തിയിട്ടുണ്ട്. ബുക്കിങ് ഇന്നലെ രാത്രിയാണ് ആരംഭിച്ചത്. അതോടൊപ്പം തന്നെ ഗള്‍ഫ് ഉള്‍പ്പടെയുള്ള രാജ്യങ്ങളെ കുറിച്ചുള്ള തീരുമാന ഇന്നുണ്ടാകുമെന്നാണ് കരുതുന്നത്.