ജമൈക്കന്‍ സന്ദര്‍ശനത്തിനെത്തിയ അമേരിക്കന്‍ പ്രസിഡന്റ് ബറാക് ഒബാമയോട് ഐ ലവ് യു എന്ന് പറഞ്ഞാണ് സുന്ദരിയായ പ്രധാനമന്ത്രി പോര്‍ഷ്യ സിംസണ്‍ സ്വീകരിച്ചത്. കെട്ടിപ്പിടിച്ചും ചുംബിച്ചുമാണ് പോര്‍ഷ്യ സിംസണ്‍ ഒബാമയെ സ്വീകരിച്ചത്. നിങ്ങളെ ഈ നാട് അത്രത്തോളം സ്‌നേഹിക്കുന്നുവെന്ന് ഒബാമയോട് പോര്‍ഷ്യ പറഞ്ഞു. തുടര്‍ന്ന് ഒരു പടി കൂടി മുന്നോട്ടുപോയ പ്രധാനമന്ത്രി, പരസ്യമായി ഒബാമയോട് \'ഐ ലവ് യു\' എന്നു പറയാനും മടിച്ചില്ല. ജമൈക്കയിലേക്കുള്ള അമേരിക്കന്‍ പ്രസിഡന്റിന്റെ വരവിനെ താനും തന്റെ രാജ്യവും എത്രത്തോളം പ്രധാന്യത്തോടെയാണ് കാണുന്നതെന്ന് പറയാനാണ് പോര്‍ഷ്യ ഇത്രയും സാഹസം കാട്ടിയത്.
ജമൈക്കയിലേക്കുള്ള സന്ദര്‍ശനവും ഇവിടുത്തെ ജനങ്ങളുടെ സ്‌നേഹവും തന്നെ വല്ലാതെ ആകര്‍ഷിച്ചതായി പിന്നീട് ഒബാമ അതിഥികള്‍ക്കുള്ള ഡയറിയില്‍ എഴുതി. പാനമയില്‍ അമേരിക്കന്‍ പ്രസിഡന്റുമാരും കരീബിയന്‍ രാജ്യങ്ങളിലെ പ്രധാനമന്ത്രിമാരുമായുള്ള ഉച്ചകോടിക്കിടെയാണ് ഒബാമയും പോര്‍ഷ്യയും കൂടിക്കാഴ്ച നടത്തിയത്.
1982ല്‍ റൊണാള്‍ഡ് റീഗനാണ് ഇതിനുമുമ്പ് ജമൈക്കയില്‍ എത്തിയിട്ടുള്ള അമേരിക്കന്‍ പ്രസിഡന്റ്. ലോകത്തെ വന്‍ശക്തിയായ അമേരിക്കയില്‍നിന്നും രാഷ്ട്രത്തലവന്‍ ജമൈക്കയിലെത്തുന്നതിനെ അവിടുത്തെ ഭരണനേതൃത്വവും ജനങ്ങളും ഏറെ പ്രതീക്ഷയോടെയാണ് കാണുന്നത്. ഇരുരാജ്യങ്ങളുമായുള്ള ബന്ധവും സഹകരണവും മെച്ചപ്പെടുത്തുന്നതിന് ഈ സന്ദര്‍ശനം വഴിയൊരുക്കുമെന്ന് പ്രതീക്ഷിക്കുന്നതായി പോര്‍ഷ്യയും ഒബാമയും പിന്നീട് അഭിപ്രായപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha