പാക്കിസ്ഥാനില്‍ അജ്ഞാതരുടെ വെടിവെപ്പില്‍ നാലു മരണം
22 JUNE 2013 11:29 PM IST
മലയാളി വാര്‍ത്ത.
കറാച്ചിയില്‍ അജ്ഞാതരുടെ വെടിവയ്‌പ്പില്‍ നാലുപേര്‍ മരിച്ചു. ഒരു പോലീസുകാരനടക്കം നാലുപേര്‍ക്കു പരിക്കേറ്റു. വെള്ളിയാഴ്‌ച രാത്രി കറാച്ചിയിലെ ബിലാല്‍ കോളനി മേഖലയിലായിരുന്നു സംഭവം. ഓട്ടോമാറ്റിക്‌ തോക്കുകളുമായെത്തിയ രണ്ട് അക്രമിസംഘങ്ങള്‍ പ്രകോപനം കൂടാതെ ജനങ്ങള്‍ക്കുനേരെ വെടിയുതിര്‍ക്കുകയായിരുന്നു. സ്ഥലത്തെത്തിയ പോലീസിനു നേരെ ഗ്രനേഡ്‌ എറിയുകയും ചെയ്‌തു. സംഭവസ്ഥലത്തു വച്ചുതന്നെ ഒരാള്‍ മരിച്ചു. ഗുരുതരമായി പരിക്കേറ്റ മറ്റു മൂന്നു പേര്‍ ആശുപത്രിയില്‍ വച്ചാണ്‌ മരിച്ചത്‌. വെള്ളിയാഴ്‌ച പെഷവാറിലെ ഷിയാ പള്ളിയില്‍ ചാവേര്‍ നടത്തിയ സ്‌ഫോടനത്തില്‍ പതിനഞ്ച്‌ പേര്‍ മരിച്ചിരുന്നു. ഇതിനു പിന്നില്‍ സുന്നി തീവ്രവാദികളാണെന്നാണ്‌ റിപ്പോര്ട്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
