ഭൂകമ്പം ദുരിതം വിതച്ച നേപ്പാളില്‍ കാണാതായവരെ തേടി സിദ്ധാര്‍ത്ഥ് ലാമ എന്ന മലയാളികളുടെ പ്രിയ ഉണ്ണിക്കുട്ടനും. സോഷ്യല്‍മീഡിയയിലൂടെയാണ് സിദ്ധാര്‍ത്ഥ് സുഹൃത്തുക്കളെ അന്വേഷിക്കുന്നത്.
നേപ്പാളിലെ കാണാതായ സ്‌പോര്‍ട്‌സ് ഫോട്ടോ ജേര്‍ണലിസ്റ്റ് സുമന്‍ ബോംസാനടക്കമുള്ള സുഹൃത്തുക്കളേ തേടി സിദ്ധാര്‍ത്ഥ് ഫേസ്ബുക്കില്‍ കുറിപ്പ് എഴുതിയിരിക്കുന്നു. മാത്രമല്ല, ഗോര്‍ നേപ്പാള്‍ ഡോട് കോമില്‍ കാണാതായവരെക്കുറിച്ച് വന്ന വാര്‍ത്തകളും മറ്റും ഷെയര്‍ ചെയ്തിട്ടുമുണ്ട്. മഹാബുദ്ധ ഏരിയായില്‍ നിന്നാണ് സുമനെ കാണാതായത്.
ടിവിജേര്‍ണലിസ്റ്റ് ആയി ജോലി ചെയ്യുന്ന സിദ്ധാര്‍ത്ഥ് ഇപ്പോള്‍ കാഠ്മണ്ഡുവിലാണ് താമസിക്കുന്നത്. സിദ്ധാര്‍ഥയുടെ കുറിപ്പ് ആയിരത്തിലേറെ സുഹൃത്തുക്കള്‍ ഷെയര്‍ ചെയ്തിട്ടുണ്ട്.
യോദ്ധയില്‍ മോഹന്‍ലാലിനൊപ്പം ഉണ്ണിക്കുട്ടനായി അഭിനയിച്ച സിദ്ധാര്‍ത്ഥ് മലയാളികള്‍ ഒരിക്കലും മറക്കാനാകാത്ത മുഖങ്ങളിലൊന്നാണ്. യോദ്ധാ എന്ന സിനിമയില്‍ അക്കോസോട്ടാ വിളിയുമായി മോഹന്‍ലാലിനോടൊപ്പം അഭിനയിച്ച, മൊട്ടത്തലയും കുസൃതി വിടരുന്ന കണ്ണുകളുമുള്ള ബാലനെ (റിംപോച്ചെ) മലയാളം വാത്സല്യത്തോടെയാണ് നെഞ്ചിലേറ്റിയത്. ഈയിടെ ലെനിന്‍ രാജേന്ദ്രന്‍ ഒരുക്കിയ ഇടവപ്പാതി എന്ന ചിത്രത്തിലും സിദ്ധാര്‍ത്ഥ് അഭിനയിച്ചിരുന്നു. നേപ്പാള്‍ ഡി കെയര്‍ സെന്ററിന്റെ ട്രഷറായ സുപ്രിയയാണ് ഭാര്യ. പ്രണയ വിവാഹമായിരുന്നു. ഒരു കുട്ടിയുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha