ദോഹ ബാങ്ക് ഇന്ത്യയില് പ്രവര്ത്തനം തുടങ്ങി, കൊച്ചി ശാഖ ഉടനെന്ന് അധികൃതര്
ഖത്തറിലെ പ്രമുഖ ബാങ്കായ ബാങ്കിന്റെ ഇന്ത്യയിലെ ഔദ്യോഗിക പ്രവര്ത്തനം മുംബൈയില് ആദ്യത്തെശാഖ തുറന്ന് ആരംഭിച്ചു. കൊച്ചിയിലെ ദോഹ ബാങ്ക് ശാഖ ഉടന് തുറക്കും. ഇന്ത്യയില് സമഗ്ര പ്രവര്ത്തനം തുടങ്ങുന്ന ആദ്യത്തെ ഖത്തര് ബാങ്കാണ് ദോഹ ബാങ്ക്.
ഇന്ത്യന് ഉപഭൂഖണ്ഡത്തിലെ ദോഹ ബാങ്കിന്റെ പ്രവര്ത്തനങ്ങള് വിപുലീകരിക്കുന്നതിന്റെ ചരിത്രപരമായ മുഹൂര്ത്തമാണിതെന്ന് ദോഹ ബാങ്ക് ബോര്ഡ് ഓഫ് ഡയറക്ടേഴ്സ് ചെയര്മാന് ശൈഖ് ഫഹദ് ബിന് മുഹമ്മദ് ബിന് ജാബര് അല് താനി പറഞ്ഞു. ലോകത്തിലെ ഏറ്റവും വേഗത്തില് വളരുന്ന ഇന്ത്യന് സമ്പത് വ്യവസ്ഥ പ്രധാന പ്രവര്ത്തന മേഖലയാണെന്നും ഇന്ത്യയും ജി.സി.സി. രാജ്യങ്ങളും തമ്മിലെ വാണിജ്യബന്ധം മെച്ചപ്പെടുത്തുന്നതില് ക്രിയാത്മക പങ്കുവഹിക്കാന് ഇതുകൊണ്ട് കഴിയുമെന്നും അദ്ദേഹം വ്യക്തമാക്കി.
ഇന്ത്യന് വിപണിയുടെ വ്യാപ്തിയും അതിവേഗം വളരുന്ന ആളോഹരി വരുമാനവും വ്യാപാരസൗഹൃദ നയങ്ങളും ഇന്ത്യയില് സഹായകമാകുമെന്ന് ദോഹ ബാങ്ക് സി.ഇ.ഒ. ഡോ. ആര്. സീതാരാമന് പറഞ്ഞു. ദോഹ ബാങ്കിന്റെ പ്രവര്ത്തനം കൂടുതല് ഇന്ത്യന് നഗരങ്ങളിലേക്ക് വരും വര്ഷങ്ങളില് വ്യാപിപ്പിക്കാന് തയ്യാറെടുക്കുകയാണെന്നും നൂതന സാങ്കേതികവിദ്യകള് പ്രയോജനപ്പെടുത്തിയുള്ള സേവനങ്ങള് ദോഹ ബാങ്ക് വാഗ്ദാനം ചെയ്യുമെന്നും അദ്ദേഹം വിശദീകരിച്ചു.
ജി.സി.സി. രാജ്യങ്ങളെ ബന്ധിപ്പിച്ചുള്ള എന്.ആര്. ഐ. ഫോര് ഇന് വണ് അക്കൗണ്ട് പാക്കേജുകള്, ക്രെഡിറ്റ് പാസ്പോര്ട്ടബിളിറ്റി, എച്ച്.എന്.ഐ., പ്രിവിലേജ്ഡ് സ്റ്റാറ്റസ്, പ്രോജക്റ്റ് ഫിനാന്സ്, അഡ്വൈസറി സര്വീസുകള്, പ്രവാസി ഇന്ത്യക്കാര്ക്കുള്ള പ്രത്യേക നിക്ഷേപപദ്ധതികള് എന്നിവ ദോഹാ ബങ്കിന്റെ ഇന്ത്യന് പ്രവര്ത്തനങ്ങളുടെ ഭാഗമായിരിക്കും. ഇന്റര്നെറ്റ് ബാങ്കിംങ്, മൊബൈല് ബാങ്കിങ്, ടാബ്ലെറ്റ് ബാങ്കിങ്, ഗാര്ഹിക ഉപഭോഗസേവനങ്ങള്ക്കുള്ള ഓണ്ലൈന് പണമടക്കല് എന്നീ നവീന ബാങ്കിംങ് സാമ്പത്തിക സര്വീസുകളും ഗള്ഫ് രാജ്യങ്ങളില്നിന്നുള്ള ദ്രുത പണവിനിമയ സേവനങ്ങളും ദോഹ ബാങ്ക് ഇന്ത്യയില് അവതരിപ്പിക്കും. ഇന്ത്യന് ഉപഭോക്താക്കള്ക്ക് മെച്ചപ്പെട്ട ദ്രുതസേവനങ്ങങ്ങള് ചെയ്യുന്നതിന് വേണ്ടി ദോഹ ബാങ്കിന്റെ എല്ലാ വിദേശ ശാഖകളിലും പ്രത്യേക \'ഇന്ത്യാ ഡെസ്ക്\' സ്ഥാപിക്കാനും പദ്ധതിയുണ്ടെന്ന് ഡോ. സീതാരാമന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
