ആകാശക്കുതിപ്പിനിടെ സാഹസികതാരമായ ഡീന് പോട്ടര്ക്ക് ദാരുണാന്ത്യം
യു.എസ് ഡെയര് ഡെവിള് എന്നറിയപ്പെടുന്ന സാഹസികതാരം ഡീന് പോട്ടര്ക്ക്(43) ബേസ് ജംപിംഗിനിടെ ദാരുണാന്ത്യം. കാലിഫോര്ണിയയിലെ യോസ്മേറ്റ് ദേശീയ പാര്ക്കില് ശനിയാഴ്ച നടത്തിയ പ്രകടനത്തിനിടെ അപകടത്തില്പ്പെട്ടാണ് ഡീന് പോട്ടറും സഹതാരം ഗ്രഹാം ഹണ്ടും(29) മരണമടഞ്ഞത്.
7,500 അടി ഉയരത്തിലുള്ള ടാഫ്റ്റ് പോയന്റില് നിന്ന് ഇടുങ്ങിയ വിടവിലൂടെ വിംഗ് സ്യൂട്ട് ഉപയോഗിച്ച് പറക്കാനുള്ള ശ്രമത്തിനിടെ കല്ലിടുക്കില്പ്പെട്ട് അപകടത്തില്പ്പെട്ടതാണെന്ന് സംശയിക്കുന്നു. അപകടകരമായ മലയിടുക്കുകള് കീഴടക്കുന്നതിലും കയറിലൂടെയുള്ള നടത്തത്തിലും കഴിവു തെളിയിച്ച ഇദ്ദേഹത്തിന്റെ മൃതദേഹം ഞായറാഴ്ച കണ്ടെത്തി.
ആകാശക്കുതിപ്പില് പ്രസിദ്ധനായ ഡീന് മുമ്പ് തന്റെ വളര്ത്തുനായയുമായി പറന്ന് ലോകശ്രദ്ധയാകര്ഷിച്ചു. ഇദ്ദേഹത്തിന്റെ മരണവാര്ത്തയറിഞ്ഞ് ലോകത്തിന്റെ വിവിധ ഭാഗങ്ങളില് നിന്ന് ആരാധകര് ആദരാഞ്ജലികള് അര്പ്പിച്ചു. ബേസ് ജംപിംഗ് നിയമപരമായി നിരോധിച്ച യോസ്മേറ്റില് അധികൃതരുടെ അനുമതിയില്ലതെയാണ് അദ്ദേഹം പ്രകടനം നടത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
