അമേരിക്കയില് വെടിവയ്പ്പ്.... പത്ത് മരണം.... കൊളറാഡോ സ്പ്രിംഗ്സ്, മേരിലന്ഡ്, ടൈംസ് സ്ക്വയര് എന്നിവിടങ്ങളിലാണ് വെടിവയ്പുണ്ടായത്
അമേരിക്കയില് മൂന്ന് ഇടങ്ങളിലുണ്ടായ വെടിവയ്പില് 10 പേര് മരിച്ചു. കൊളറാഡോ സ്പ്രിംഗ്സ്, മേരിലന്ഡ്, ടൈംസ് സ്ക്വയര് എന്നിവിടങ്ങളിലാണ് വെടിവയ്പുണ്ടായത്. കൊളറാഡോയില് പിറന്നാള് ആഘോഷിത്തിനിടെ ഉണ്ടായ വെടിവയ്പില് അക്രമി ഉള്പ്പെടെ ഏഴു പേര് ആണ് മരിച്ചത്.
മരിച്ച ഒരു യുവതിയുടെ കാമുകനായിരുന്നു കൊലയാളി. പിറന്നാള് ആഘോഷം നടന്ന സ്ഥലത്തേക്ക് ഇയാള് എത്തുകയും വെടിവയ്ക്കുകയുമായിരുന്നു. ആക്രമണത്തിനു ശേഷം സ്വയം നിറയൊഴിച്ച് ജീവനൊടുക്കാന് ശ്രമിച്ചു.
വിവരം അറിഞ്ഞെത്തിയ പോലീസ് ആറു പേരെ മരിച്ച നിലയിലും അക്രമിയെ ഗുരുതരമായി പരിക്കേറ്റ നിലയിലും കണ്ടെത്തി. ഉടന് തന്നെ ഇയാളെ ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല.
ആഘോഷത്തില് പങ്കെടുത്ത കുട്ടികള് ആര്ക്കും തന്നെ ആക്രമണത്തില് പരിക്കേറ്റിട്ടില്ല. മേരിലന്ഡ് വുഡ്ലോണില് അക്രമി കൊന്നത് മൂന്ന് അയല്ക്കാരെ. ടൈംസ് സ്ക്വയറില് നാലുവയസുകാരിയടക്കം മൂന്നുപേര്ക്ക് വെടിപയ്പില് പരിക്കേറ്റു.
https://www.facebook.com/Malayalivartha