കടലിലെ നിധിയെന്നും ഒഴുകുന്ന സ്വർണമെന്നും അറിയപ്പെടുന്ന വസ്​തുവായ​ ആംബർഗ്രിസ്, കിട്ടുന്നവർ ഭാഗ്യവാന്മാർ തന്നെയാണ്. ഇത്തരം വാർത്തകൾ നാം കേൾക്കാറുണ്ട്. നിരവധിപേരാണ് ഈ നിധിമൂലം കോടീശ്വരന്മാരായത്. അത്തരത്തിൽ വീണ്ടും ഭാഗ്യം തേടിയെത്തിയ ഒരുകൂട്ടം മൽസ്യത്തൊഴിലാളികളുടെ വാർത്ത ഏവരെയും അമ്പരപ്പിലാഴ്ത്തിയിരിക്കുകയാണ്. സംഭവം യമനിലാണ്. ഒരു കൂട്ടം മത്സ്യത്തൊഴിലാളികളുടെ ജീവിതം ഒരു രാത്രികൊണ്ടാണ് മാറിമറിഞ്ഞത്. ചത്ത് ജീര്‍ണ്ണിച്ച ഒരു കൊമ്പന്‍ തിമിംഗലത്തിന്റെ ജഡത്തില്‍ നിന്ന് ചര്‍ദില്‍ അഥവ ആംബര്‍ഗ്രിസ്‌ എന്ന അപൂര്‍വ്വ സ്രവമാണ് കണ്ടെത്തിയിരിക്കുന്നത്.

തെക്കന്‍ യെമനിലെ സെറിയ തീരത്ത് ഏദന്‍ ഉള്‍ക്കടലില്‍ 35 ഓളം മത്സ്യത്തൊഴിലാളികള്‍ മീന്‍പിടിക്കാൻ യാത്ര ചെയ്യുകയായിരുന്നു. പെട്ടെന്നാണ് ഒരു ഭീമന്‍ തിമിംഗലത്തിന്റെ ജീര്‍ണ്ണിച്ച ജഡം ഇവരുടെ ശ്രദ്ധയിൽപ്പെട്ടത്. ഇതിനെ മുറിച്ചപ്പോഴാണ് വയറ്റില്‍ വലിയ തോതില്‍ മെഴുകും ചെളിയും ഇവർ കണ്ടത്. ഇത് യഥാര്‍ത്ഥത്തില്‍ പത്ത് കോടിയിലധികം വില വരുന്ന തിമിംഗലത്തിന്റെ ആംബര്‍ഗ്രിസ്‌ ആയിരുന്നു.

അതോടൊപ്പം തന്നെ സ്‌പേം തിമിംഗലങ്ങളുടെ ഉദരത്തില്‍ സൃഷ്ടിക്കപ്പെടുന്ന മഞ്ഞ നിറത്തിലുള്ള മെഴുക് പോലുള്ള വസ്തുവാണ്. സ്വര്‍ണത്തോളം വിലമതിക്കുന്ന ആംബര്‍ഗ്രിസ് പ്രധാനമായും സുഗന്ധദ്രവ്യങ്ങള്‍ നിര്‍മ്മിക്കാനാണ് ഉപയോഗിച്ചുവരുന്നത്. സുഗന്ധം ദീർഘനേരം നിലനിൽക്കുന്നതിനാണ്​ ആംബർഗ്രിസ്​ സഹായിക്കുന്നത്​.

മങ്ങിയ ചാരനിറമോ കറുപ്പ് നിറമോ ആകും ഇതിൽ കാണുവാൻ സാധിക്കും. പലപ്പോഴും തിമിംഗലങ്ങൾ ഇടക്ക്​ ഇവ ഛർദിച്ച്​​ കളയും. അതോടെ ജലനിരപ്പിലൂടെ ഒഴുകിനടക്കുകയാണ്​ ചെയ്യുന്നത്​. നൂറ്​ കിലോയിലധികം തൂക്കത്തിലുള്ള ആംബർഗ്രിസ്​ കരക്കടിഞ്ഞ നിലയിൽ പലർക്കും ലഭിക്കാറുമുണ്ട്​.

ജീര്‍ണ്ണിച്ച തിമിംഗലത്തിന്റെ ജഡത്തില്‍ നിന്ന് പ്രത്യേക മണമുണ്ടായതോടെയാണ് മത്സ്യത്തൊഴിലാളികള്‍ ഇതിനെ കീറി മുറിക്കാൻ തീരുമാനിച്ചത്.ഇതിനുപിന്നാലെ തിമിംഗലത്തിന്റെ ജഡം കരയ്ക്കടുപ്പിക്കുകയും തുടര്‍ന്ന് കീറിമുറിക്കുകയുമായിരുന്നുവെന്ന് മത്സ്യത്തൊഴിലാളികള്‍ മാധ്യമത്തോട് വ്യക്തമാക്കി. 127 കിലോയോളം വരുന്ന ഈ ഛര്‍ദ്ദില്‍ (ആംബര്‍ഗ്രിസ്‌) വിറ്റു കിട്ടുന്ന പണം തുല്യമായി വീതിച്ചെടുക്കാന്‍ മത്സ്യത്തൊഴിലാളികള്‍ തീരുമാനിച്ചെന്നാണ് ബിബിസി റിപ്പോര്‍ട്ട് ചെയ്യുന്നത്. കുറച്ച് പണം തങ്ങളുടെ സമൂഹത്തിലെ പാവപ്പെട്ടവര്‍ക്ക് വിതരണം ചെയ്യാനും ഇവർ തീരുമാനിക്കുകയും ചെയ്തു.