ബഹുഭാര്യത്വം മാത്രമല്ല ബഹുഭര്തൃത്വവും ആകാം.. നിയമനിര്മാണത്തിന് ഒരുങ്ങി ദക്ഷിണാഫ്രിക്ക; ഇത് ആഫ്രിക്കന് സംസ്കാരത്തെ നശിപ്പിക്കുമെന്ന് യാഥാസ്ഥിതിക വിഭാഗങ്ങള്; മതസംഘടനകള് പ്രതിഷേധത്തിലേക്ക്
ഒരു പുരുഷന് ഒന്നിലധികം സ്ത്രീകളെ ഭാര്യമാര് ആക്കാമെങ്കില് ഒരു സ്ത്രീക്ക് ഒന്നിലധികം ഭര്ത്താക്കന്മാരെ അനുവദിക്കാം. തുല്യ നീതി വേണമെന്ന ലിംഗനീതി അവകാശപ്രവര്ത്തകരുടെ ആവശ്യപ്രകാരമാണ് ദക്ഷിണാഫ്രിക്കന് സര്ക്കാരിന്റെ പുതിയ നീക്കം. ഇതിനായി പുതിയ നിയമനിര്മാണം നടത്താന് ഒരുങ്ങുകയാണ് ദക്ഷിണാഫ്രിക്കന് സര്ക്കാര്.
സ്വവര്ഗ വിവാഹവും പുരുഷന്മാര്ക്ക് ബഹുഭാര്യത്വവും അനുവദിക്കുന്ന ലിബറല് ഭരണഘടനയാണ് ദക്ഷിണാഫ്രിക്കയില് നിലവിലുള്ളത്. എന്നാല് സ്ത്രീകളള്ക്ക് ഒരു ഭര്ത്താവ് മാത്രമേ പാടുള്ളു എന്നാണ് നിയമം. ഈ നിയമത്തിലാണ് സര്ക്കാര് മാറ്റം വരുത്താന് പോകുന്നത്.
ഇതിന്റെ ഭാഗമായി ആഭ്യന്തര വകുപ്പ് പ്രസിദ്ധീകരിച്ച കരട് റിപ്പോര്ട്ടിലാണ് (ഗ്രീന് പേപ്പര്) സ്ത്രീകള്ക്ക് ഒന്നിലധികം ഭര്ത്താക്കന്മാര് ആകാമെന്ന നിര്ദേശം വെച്ചിരിക്കുന്നത്. സംഭവം രാജ്യത്ത് ചൂടേറിയ ചര്ച്ചകള്ക്ക് വഴിവെച്ചിട്ടുണ്ട്. ഇത്തരം നിര്ദേശങ്ങള് ഉള്പ്പെടുത്തി രാജ്യത്തെ വിവാഹ നിയമം പരിഷ്കരിക്കാനുള്ള സര്ക്കാരിന്റെ നീക്കത്തിനെതിരെ യാഥാസ്ഥിതിക വിഭാഗങ്ങളും ചില മതവിഭാഗങ്ങളും കടുത്ത പ്രതിഷേധവുമായി രംഗത്തെത്തിയിട്ടുണ്ട്.
ഏതായാലും ആഭ്യന്തര മന്ത്രാലയം പുറത്തിറക്കിയ കരട് രേഖയിലെ പുതിയ നിര്ദേശം വലിയ ചര്ച്ചകള്ക്ക് വഴിവെച്ചിരിക്കുകയാണ്. ബഹുഭര്തൃത്വത്തിന് പുറമെ പ്രായപൂര്ത്തിയാകാത്തവരുടെ വിവാഹം അനുവദിക്കുന്ന നിലവിലെ നിയമം തിരുത്താനും കരട് രേഖ നിര്ദേശിക്കുന്നുണ്ട്. പ്രതിഷേധങ്ങള് ഇതുവരെയും സര്ക്കാര് മുഖവിലക്ക് എടുത്തിട്ടില്ലെന്നാണ് ലഭിക്കുന്ന വിവരം.
https://www.facebook.com/Malayalivartha
