ജനുവരിയില്‍ കൊളംബിയയില്‍ കണ്ടെത്തിയ കൊറോണ വൈറസിന്റെ പുതിയ വകഭേദം യു.കെയിലും റിപ്പോര്‍ട്ട് ചെയ്തു. പബ്ലിക് ഹെല്‍ത്ത് ഇംഗ്ലണ്ടാണ് പുതിയ വകഭേദത്തെ തിരിച്ചറിഞ്ഞത്. ഈ വകഭേദം ബാധിച്ച 16 പുതിയ കേസുകളാണ് റിപ്പോര്‍ട്ടു ചെയ്തത്.

ബി.1.621 എന്നാണ് ഇതിന് നല്‍കിയ പേര്. ഇതിനെതിരേ വാക്‌സിന്‍ ഫലപ്രദമാണോ, ഗുരുതര ആരോഗ്യ പ്രശ്‌നങ്ങളുണ്ടാക്കുമോ എന്നിവ സംബന്ധിച്ച്‌ തെളിവുകളൊന്നും ലഭ്യമല്ലെന്ന് അധികൃതര്‍ അറിയിച്ചു.

അതേസമയം, കാനഡയില്‍ അപൂര്‍വ്വ രോഗം ബാധിച്ച്‌ പന്ത്രണ്ട് വയസുകാരന്‍ ചികിത്സയിൽ. കുട്ടിയുടെ സാംപിളുകള്‍ വിദഗ്ധ പരിശോധനയ്‌ക്ക് അയച്ച ശേഷമാണ് രോഗ പ്രതിരോധ ശേഷിയെ ബാധിക്കുന്ന എപ്‌സ്റ്റൈന്‍ബാര്‍ വൈറസ് എന്ന രോഗമാണെന്ന് കണ്ടെത്തിയത്. കോള്‍ഡ് അഗ്ലുട്ടിനിന്‍ എന്നാണ് ഈ രോഗാവസ്ഥയെ അറിയപ്പെടുന്നത്.