ഭാര്യയ്ക്ക് സർപ്പത്തിന്റെ ഡി എൻ എ, അത് കുട്ടികളിലേയ്ക്ക് പകർന്നുവെന്നും, തന്റെ കുട്ടികൾ ഭാവിയിൽ രാക്ഷസന്മാരായി വളരുമെന്നും വെളിപാടുണ്ടായതായി ആരോപിച്ച് പിഞ്ച് കുഞ്ഞുങ്ങളെ കൊലപ്പെടുത്തിയ പിതാവ് അറസ്റ്റിൽ. 40കാരനായ മാത്യു ടെയ്​ലര്‍ കോള്‍മാനാണ്​ അറസ്​റ്റിലായത്​. ക്വാനോന്‍, ഇല്യൂമിനാട്ടി ഗൂഡാലോചന സിദ്ധാന്തങ്ങളുടെ കൂട്ടുപിടിച്ചായിരുന്നു കൊലപാതകം.

മെക്​​സികോയില്‍ റൊസാരിറ്റോക്ക്​ സമീപമുള്ള അരുവിയുടെ കരയില്‍ രണ്ടുവയസുകാരനായ കാ​ലിയോയെും 10 മാസം പ്രായമായ പെണ്‍കുഞ്ഞ്​ റോക്​സിയെയും കൊല്ലപ്പെട്ട നിലയില്‍ കണ്ടെത്തുകയായിരുന്നു. മീന്‍ പിടിക്കാനുപയോഗിക്കുന്ന മൂര്‍ച്ഛയുളള ആയുധം ഉപയോഗിച്ച്‌​ മകനെ 17തവണയും മകളെ 12 തവണയുമാണ്​ കോള്‍മാന്‍ കുത്തിയത്​. തുടര്‍ന്ന്​ നടത്തിയ അന്വേഷണത്തിലാണ്​ പിതാവ്​ പിടിയിലാകുന്നത്​.

കൊലപാതകത്തിന് ശേഷം യു.എസി​ലേക്ക്​ വരാൻ നോക്കുന്നതിനിടയിലായിരുന്നു അന്വേഷണ ഉദ്യോഗസ്ഥർ ഇയാളെ പിടികൂടിയത്. ഐ​േഫാണ്‍ ആപ്പ്​ ഉപയോഗിച്ച്‌​ ഇയാള്‍ എവിടെയുണ്ടെന്ന്​ കണ്ടെത്താന്‍ ഭാര്യ അന്വേഷണ ഉദ്യോഗസ്​ഥരെ സഹായിക്കുകയും ചെയ്​തിരുന്നു.

ശനിയാഴ്​ച ഇയാള്‍ രണ്ടു കുട്ടികളുമായി റൊസാരിറ്റോയിലേക്ക്​ പോകുകയായിരുന്നു. ഭാര്യ എബി കോള്‍മാനോട്​ യാത്ര പോകുകയാണെന്ന്​ പറഞ്ഞിരുന്നെങ്കിലും സ്​ഥലം വെളി​െപ്പടുത്തിയിരുന്നില്ല. ശനിയാഴ്​ച കോള്‍മാന്‍ ഭാര്യയുടെ ഫോണ്‍ കോളുകളോ മെസോജോ സ്വീകരിച്ചിരുന്നില്ല. തുടര്‍ന്ന്​ മൂവരെയും കാണാതായി എബി പൊലീസില്‍ പരാതി നല്‍കുകയായിരുന്നു. ​റൊസാരീറ്റോയിലെത്തിയ കോള്‍മാന്‍ തിങ്കളാഴ്​ച രാവിലെ വരെ ഒരു ഹോട്ടലില്‍ താമസിച്ചിരുന്നു. സി.സി.ടി.വിയില്‍ തിങ്കളാഴ്​ച രാവിലെ ഹോട്ടലില്‍ കോള്‍മാ​െന്‍റ ദൃശ്യങ്ങള്‍ മാത്രമാണ്​ പതിഞ്ഞത്​.

കുഞ്ഞുങ്ങളെ കൊല​െപ്പടുത്തിയ ശേഷം മൃതദേഹങ്ങള്‍ അരുവി​യുടെ സമീപം കുറ്റിക്കാട്ടില്‍ ഉപേക്ഷിക്കുകയായിരുന്നു. വസ്​ത്രങ്ങളും ആയുധവും നദിക്കരയിലും ഉപേക്ഷിച്ചു. കുഞ്ഞുങ്ങളുടെ കൊലപാതകത്തിലൂടെ ലോകത്തെ രാക്ഷസന്‍മാരില്‍നിന്ന്​ രക്ഷിക്കുന്നുവെന്നാണ്​ കോള്‍മാന്‍ കരുതുന്നതെന്ന്​ കോടതി രേഖകളില്‍ പറയുന്നു. കോള്‍മാനെ ജയിലിലേക്ക്​ മാറ്റി.