അരുണാചല്‍ പ്രദേശിലെ യഥാര്‍ഥ നിയന്ത്രണരേഖയില്‍ ചൈനയുടെ വന്‍ പ്രകോപനം. ഇന്ത്യന്‍ മണ്ണിലേയ്ക്ക് കടന്നുകയറിയ ചൈനീസ് സൈനീകരുടെ ലക്ഷ്യം ബങ്കറുകളായിരുന്നു.. ഈ നീക്കം ഇന്ത്യന്‍ സൈന്യം തടഞ്ഞതോടെ  സംഘര്‍ഷാം മണിക്കൂറോളം നീണ്ടുനിന്നു.. ഒടുവില്‍ പ്രോട്ടോക്കോള്‍ പ്രകാരം ചര്‍ച്ച ചെയ്താണ് സംഘര്‍ഷം അവസാനിപ്പിച്ചത്. കഴിഞ്ഞ ആഴ്ചയായിരുന്നു സംഭവം.

ബും ലാ പാസിനും യാങ്‌സീയ്ക്കും ഇടയിലായിരുന്നു ചൈനീസ് സൈന്യം എത്തിയത്. ഇതാദ്യമായല്ല നിയന്ത്രണ രേഖ കടക്കാന്‍ ചൈന ശ്രമിക്കുന്നത്.  2016 ല്‍ 200 ഓളം ചൈനീസ് സൈനികര്‍ യാങ്‌സീ വരെ എത്തിയിരുന്നു. മണിക്കൂറുകള്‍ക്കു ശേഷം മടങ്ങിപ്പോവുകയും ചെയ്തു.

കഴിഞ്ഞ ഓഗസ്റ്റ് 30 ന് നൂറിലധികം ചൈനീസ് സൈനികര്‍ അതിര്‍ത്തി കടന്ന് ഉത്തരാഖണ്ഡിലെത്തിയതായി റിപ്പോര്‍ട്ടുകള്‍ പുറത്തു വന്നതിനു ശേഷം ഒരു മാസം പിന്നിടുമ്പോഴാണ് വീണ്ടും ചൈനീസ് കടന്നുകയറ്റം റിപ്പോര്‍ട്ട് ചെയ്യുന്നത്. അന്ന് ഇന്ത്യയിലേക്കു കടന്ന സൈനികര്‍ ഒരു പാലത്തിന് കേടുപാടുണ്ടാക്കിയ ശേഷമാണു മടങ്ങിയതെന്ന് ചില ഉദ്യോഗസ്ഥര്‍ അറിയിച്ചതായി ഒരു ദേശീയ മാധ്യമം റിപ്പോര്‍ട്ട് ചെയ്തിരുന്നു.

ഉത്തരാഖണ്ഡിലെ നന്ദാദേവി ദേശീയോദ്യാനത്തിന്റെ വടക്കന്‍ പ്രദേശത്തുള്ള ബരാഹോട്ടിയിലെ അതിര്‍ത്തിയിലൂടെയാണ് അന്ന്  ചൈനീസ് സൈനികര്‍ ഇന്ത്യയിലെത്തിയത്. എന്നാല്‍ സൈനികര്‍ മടങ്ങിപ്പോയതിനാല്‍ ഏറ്റുമുട്ടലുണ്ടായില്ല. നൂറിലേറെ സൈനികരും 55 കുതിരകളുമാണ് തുന്‍ ജുന്‍ ലാ പാസ് വഴി ഇന്ത്യയിലെത്തിയത്. 5 കിലോമീറ്ററിലധികം അവര്‍ അതിര്‍ത്തി കടന്നു സ!ഞ്ചരിച്ചു.

കഴിഞ്ഞ കുറച്ചു വര്‍ഷങ്ങളായി ഇന്ത്യയും ചൈനയും തമ്മിലുള്ള അതിര്‍ത്തി പ്രശ്‌നം സജീവ ചര്‍ച്ചയാണ്. എന്നാല്‍ ഉത്തരാഖണ്ഡ് മേഖലയില്‍ വന്‍ നീക്കങ്ങളൊന്നും ഉണ്ടായിരുന്നില്ല. എന്നാല്‍ 1954 ല്‍ ഈ മേഖലയിലൂടെയാണ് ചൈന രാജ്യത്തേക്കു കടന്നുകയറിയത്. ഇതു മറ്റിടങ്ങളിലും വ്യാപിക്കുകയും 1962ലെ യുദ്ധത്തില്‍ കലാശിക്കുകയും ചെയ്തിരുന്നു. ഓഗസ്റ്റ് 30നാണ് ചൈനീസ് സൈനികര്‍ ഇന്ത്യയിലെത്തിയത്. എന്നാല്‍ അന്ന് ഇന്ത്യന്‍ സൈന്യം എത്തും മുമ്പേ ചൈനീസ് സൈനികര്‍ മടങ്ങിപ്പോയതിനാല്‍ ഏറ്റുമുട്ടലുണ്ടായില്ല. നൂറിലേറെ സൈനികരും 55 കുതിരകളുമാണ് തുന്‍ ജുന്‍ ലാ പാസ് വഴി ഇന്ത്യയിലെത്തിയത്. 5 കിലോമീറ്ററിലധികം അവര്‍ അതിര്‍ത്തി കടന്നു സഞ്ചരിച്ചു എന്നായിരുന്നു റിപ്പോര്‍ട്ട്.

മൂന്ന് മണിക്കൂറോളം അവര്‍ അതിര്‍ത്തിക്കുള്ളില്‍ ഉണ്ടായിരുന്നു. സൈനികരില്ലാത്ത മേഖലയിലായിരുന്നു ചൈനയുടെ ആ കടന്നുകയറ്റം, സംഭവം നാട്ടുകാരാണ് ആദ്യം സ്ഥിരീകരിച്ചത്. വിവരമറിഞ്ഞ് ഐടിബിപി ഉദ്യോഗസ്ഥരും ഇന്ത്യന്‍ സൈനികരും എത്തുമ്പോഴേക്കും ചൈനാക്കാര്‍ തിരിച്ചുപോയിരുന്നു. നന്ദാദേവി ദേശീയോധ്യാനത്തിന്റെ വടക്കന്‍ പ്രദേശത്താണ് ബരാഹോട്ടി പ്രദേശം. ഉത്തരാഖണ്ഡില്‍ 350 കിലോമീറ്ററിനടുത്ത് വരുന്ന അതിര്‍ത്തിയില്‍ ഐടിബിപി ഉദ്യോഗസ്ഥരാണു കാവല്‍.

ഇന്ത്യചൈന അതിര്‍ത്തി ഔപചാരികമായി വേര്‍തിരിച്ചിട്ടില്ലാത്തതിനാല്‍ യഥാര്‍ഥ നിയന്ത്രണ രേഖ സംബന്ധിച്ച് ഇരു രാജ്യങ്ങള്‍ക്കുമിടയില്‍ ഇപ്പോഴും അഭിപ്രായ ഭിന്നതയുണ്ട്.