എങ്ങനെയും പിടിച്ചടക്കുമെന്ന് ചൈന...യുദ്ധവിമാനങ്ങളും അയച്ചു മിസൈല് തൊടുത്ത് തായ്വാന് ... ചൈനാ തായ്വാന് യുദ്ധം തുടങ്ങി?..
കഴിഞ്ഞ ദിവസമാണ് തായ്വാനെതിരെ യുദ്ധ കാഹളം മുഴക്കി ചൈനീസ് പ്രസിഡന്റ് ഷി ജിങ് പിങ്ങ് രംഗത്തെത്തിയത്, പിന്നാലെ ചൈനയുടെ സമ്മര്ദങ്ങള്ക്കു കീഴടങ്ങില്ലെന്നും ഏതറ്റംവരെയും പൊരുതുമെന്നും തായ്വാന് പ്രസിഡന്റ് സായ് ഇങ് വെന്നും തിരിച്ചടിച്ചു... കാര്യങ്ങള് ഇപ്പോള് ഒരു യുദ്ധത്തിലേയ്ക്കാണ് എത്തി നില്ക്കുന്നത്.
58 ചൈനീസ് യുദ്ധ വിമാനങ്ങള് അതിര്ത്തിതകര്ത്ത് തായ്വാന് ഭീഷണി സൃഷ്ടിച്ചപ്പോള്, ഇനി ഇത്തരത്തിലുള്ള സംഭവങ്ങള് അപകടം വരുത്തിവയ്ക്കും എന്ന മുന്നറിയിപ്പാണ് തായ്വാന് നല്കിയത് എന്നാല്, ഇന്നും ചൈനയുടെ മൂന്ന് യുദ്ധവിമാനങ്ങള് തങ്ങളുടെ വ്യോമാതിര്ത്തി കടന്ന് രാജ്യത്ത് അതിക്രമിച്ച് കയറാന് ശ്രമം നടത്തുകയായിരുന്നു ഇതോടെ അതിര്ത്തി കടന്നെത്തിയ യുദ്ധവിമാനങ്ങളെ തകര്ക്കാന് തായ്വാന് മിസൈലുകള് വിക്ഷേപിച്ചു.
ഇതോടെയാണ് ചൈനാ തായ്വാന് യുദ്ധത്തിന് തുടക്കമായി എന്ന് അന്താരാഷ്ട്ര മാധ്യമങ്ങള് നിരീക്ഷിച്ചു തുടങ്ങിയത്, ഈ മാസം ഇത് ആറാം തവണയാണ് ചൈനയുടെ ഭാഗത്ത് നിന്ന് ഇങ്ങനെ പ്രകോപനം ഉണ്ടാകുന്നത്. മിസൈലുകള് തൊടുക്കുന്നതിന് മുമ്പായി തായ്വാന് ചൈനയ്ക്ക് മുന്നറിയിപ്പ് നല്കിയിരുന്നു അധികൃതര് പറയുന്നു.
ഈ മുന്നറിയിപ്പ് ലഭിച്ചപ്പോള് തന്നെ ചൈനീസ് യുദ്ധ വിമാനങ്ങള് തിരിച്ചുപറക്കാന് പദ്ധതിയിട്ടു, മുന്നറിയിപ്പ് നല്കിയിട്ടും വ്യോമമേഖലയില് ചുറ്റിത്തിരിഞ്ഞതോടെയാണ് മിസൈലുകള് തായ്വാന് തൊടുക്കുന്നത്, ചൈനീസ് ഷാന്സി8 യുദ്ധവിമാനം, രണ്ട് ഷെന്യാങ് ജെ16 യുദ്ധവിമാനങ്ങള് എന്നിവയാണ് അതിര്ത്തി ലംഘിച്ചെത്തിയതെന്നാണ് റിപ്പോര്ട്ട്.
കഴിഞ്ഞ ആഴ്ച ചൈനയുടെ 58 യുദ്ധവിമാനങ്ങള് തായ്വാന്റെ വ്യോമ അതിര്ത്തി കടന്ന് പ്രകോപനം സൃഷ്ടിച്ചിരുന്നു. 36 ഫൈറ്റര് ജെറ്റുകള്, 12 എച്ച്6 ബോംബറുകള്, മറ്റ് നാല് വിമാനങ്ങള് എന്നിവയാണ് തെക്കന് അതിര്ത്തി കടന്നെത്തിയത്. അതിര്ത്തി കടന്നതായി മുന്നറിയിപ്പ് ലഭിച്ചതോടെ പ്രതിരോധ സംവിധാനങ്ങള് ഉപയോഗിച്ച് അവയെ തുരത്തുകയായിരുന്നുവെന്നും മന്ത്രാലയം അറിയിച്ചു. സമാധാനപരമായി മുന്നോട്ട് പോകുന്നതിന് ചൈനയുടെ നീക്കങ്ങള് വലിയ തിരിച്ചടിയാകുമെന്ന് തായ്വാന് ആരോപിച്ചു. സമാധാനത്തിനെതിരായ നിരുത്തരവാദപരമായ നീക്കമാണ് ചൈനയുടെ ഭാഗത്ത് നിന്ന് ഉണ്ടായിരിക്കുന്നതെന്നും തായ്വാന് ആരോപിച്ചു.
തായ്വാനെ ചൈനയോട് കൂട്ടിച്ചേര്ക്കുമെന്ന് കഴിഞ്ഞദിവസം ചൈനീസ് പ്രസിഡന്റ് ഷി ജിന്പിങ് പ്രഖ്യാപിച്ചിരുന്നു. ഇതെത്തുടര്ന്നുണ്ടായ സംഘര്ഷ സാഹചര്യത്തില് സംസാരിക്കുകയായിരുന്നു പ്രസിഡന്റ് സായ് ഇങ് വെന്.
ചൈനയുടെ സമ്മര്ദങ്ങളുണ്ടെങ്കിലും തിടുക്കപ്പെട്ട് നടപടികള്ക്കില്ല. ചൈനയുടെ കടുത്ത സമ്മര്ദങ്ങള്ക്കിടയിലും വലിയ കാര്യങ്ങളാണ് രാജ്യം നേടിയെടുത്തത്. നിലവിലുണ്ടായിരുന്ന അവസ്ഥയാണ് തായ്വാന് ആഗ്രഹിക്കുന്നത്. ഞങ്ങള് നിലപാട് മാറ്റിയിട്ടില്ല. വിഷയങ്ങള് ചര്ച്ചയിലൂടെ പരിഹരിക്കുകയാണ് താല്പ്പര്യം എന്നും തായ്വാന് അറിയിച്ചു.
https://www.facebook.com/Malayalivartha