റഷ്യയില്‍ വെടിമരുന്നു നിര്‍മാണ ഫാക്​ടറിയില്‍ തീപ്പിടിത്തത്തിലും സ്‌ഫോടനത്തിലും 16 പേര്‍ മരിച്ചു. തെക്കുകിഴക്കന്‍ മോസ്​കോയിലെ റിയാസന്‍ മേഖലയിലെ ഇലാസ്​റ്റിക്​ ഫാക്​ടറിയിലാണ്​ അപകടം.തീപിടിത്തത്തില്‍ ഏഴ് പേര്‍ കൊല്ലപ്പെടുകയും ഒന്‍പത് പേരെ കാണാതാവുകയും ചെയ്തിരുന്നു.

എന്നാല്‍ പീന്നിട് കാണാതായവരെല്ലാം മരിച്ചതായി അധിക്യതര്‍ വ്യക്തമാക്കി. ഗുരുതരമായ പരിക്കുകളോടെ ഒരാളെ ആശുപത്രിയില്‍ പ്രവേശിപ്പിച്ചതായും അറിയിച്ചു. വെടിമരുന്നിന്റെ ഉല്‍പാദന പ്രക്രിയയില്‍ ഉണ്ടായ പിഴവാകാം തീപിടിത്തത്തിന് കാരണമെന്നാണ് അടിയന്തര സാഹചര്യ മന്ത്രാലയം അറിയിച്ചത്. 170 എമര്‍ജന്‍സി ജീവനക്കാരും 50 ഓളം വാഹനങ്ങളുമാണ് രക്ഷാപ്രവര്‍ത്തനത്തിന് എത്തിയത്.