ഇത്രയും വലിയ അമളി മറ്റൊരു കള്ളനും സംഭവിച്ചിട്ടുണ്ടാകില്ല! ഫേസ്ബുക്കില്‍ ലൈവ് വീഡിയോ ചെയ്യുന്നതിനിടെ ബൈക്കിലെത്തിയ കള്ളന്‍ മൊബൈല്‍ ഫോണുമായി കടന്നു... സംഭവം തത്സമയം കണ്ടത് ഇരുപതിനായിരത്തിലേറെ പേര്‍! ദൃശ്യങ്ങൾ വൈറലായതിന് പിന്നാലെ കള്ളനെ പൊക്കി; പിന്നാലെ സംഭവിച്ചത്...
വളരെ രസകരമായ സംഭവമാണ് ഇപ്പോൾ സോഷ്യൽമീഡിയയിൽ വൈറലായി മാറുന്നത്. ഫേസ്ബുക്ക് ലൈവിനിടെ റിപ്പോര്‍ട്ടറുടെ ഫോണ്‍ മോഷ്ടിച്ചു. സംഭവം തത്സമയം കണ്ടത് ഇരുപതിനായിരത്തിലേറെ പേരായിരുന്നു. ഈജിപ്തിലാണ് ഈ രസകരമായ സംഭവം നടന്നത്.
കെയ്റോയിലും പരിസര പ്രദേശങ്ങളിലുമുണ്ടായ ഭൂചലനം റിപ്പോര്‍ട്ട് ചെയ്തു കൊണ്ടിരുന്ന യൂം7 എന്ന ഓണ്‍ലൈന്‍ മാധ്യമത്തിലെ റിപ്പോര്‍ട്ടറായ മഹ്മൂദ് റഗബിന്‍റെ ഫോണാണ് ബൈക്കിലെത്തിയ കള്ളന്‍ തട്ടിയെടുത്തത്. ഈജിപ്തിലെ ശുബ്ര അല്‍ ഖൈമ നഗരത്തിലെ പാലത്തിന് സമീപത്തുവച്ചായിരുന്നു സംഭവം.
റഗബ് ഫേസ്ബുക്കില്‍ ലൈവ് വീഡിയോ ചെയ്യുന്നതിനിടെ ബൈക്കിലെത്തിയ കള്ളന്‍ മൊബൈല്‍ ഫോണുമായി കടന്നുകളയുകയായിരുന്നു. ഈ ദൃശ്യങ്ങളാകട്ടെ ഇരുപതിനായിരത്തിലേറെ പേരാണ് ഫേസ്ബുക്കില്‍ തത്സമയം കണ്ടത്. ഇതൊന്നും അറിയാതെ കള്ളന്‍ മൊബൈല്‍ ഫോണുമായി ബൈക്കില്‍ യാത്ര തുടരുകയായിരുന്നു.
ബൈക്കിന് മുന്‍ ഭാഗത്ത് ഫോണ്‍ വെച്ച്‌ സിഗററ്റ് വലിക്കുന്ന കള്ളന്‍റെ ദൃശ്യങ്ങളുള്‍പ്പെടെ കൃത്യമായി ലൈവില്‍ പതിയുകയും ചെയ്തു. നിമിഷങ്ങള്‍ക്കകം ഈ ദൃശ്യങ്ങള്‍ സോഷ്യല്‍മീഡിയയില്‍ വൈറലായി. കള്ളനെ പിടികൂടുകയും ചെയ്തു. എന്നാല്‍ മോഷ്ടാവിന്‍റെ പേരുവിവരങ്ങള്‍ പൊലീസ് വെളിപ്പെടുത്തിയിട്ടില്ല.
https://www.facebook.com/Malayalivartha
