വ്യത്യസ്കമായ ഭക്ഷണ രീതി കൊണ്ടും ഭരണ പരിഷ്കാരങ്ങള്‍ കൊണ്ടും വേറിട്ട ഒരു വ്യക്തിത്വത്തിനുടമയാണ് ഉത്തര കൊറിയൻ ഭരണാധികാരി കിം ജോങ് ഉൻ. നേരത്തേ അദ്ദേഹത്തിന് 140 കിലോഗ്രാം തൂക്കമുണ്ടായിരുന്നു. അത് 120 കിലോയായി കുറച്ചുവെന്ന റിപ്പോര്‍ട്ടുകളൊക്കെ പുറത്തുവന്നിരുന്നു. ഇത് ശരിവയ്ക്കുന്ന തരത്തിലുള്ള അദ്ദേഹത്തിന്‍റെ വീഡിയോയും പുറത്തുവന്നിരുന്നു. ഭക്ഷണം നിയന്ത്രിച്ചും വ്യായാമം ചെയ്തും അദേഹം ശരീരം നോക്കുകയാണെന്നാണ് ഇതിനെ പറ്റി ചാരന്മാർ അറിച്ചിരുന്നത്.

നിലവില്‍ ഉത്തര കൊറിയ കടുത്ത ഭക്ഷ്യക്ഷാമം നേരിടുകയാണ്. കൊവിഡ് മൂലം രാജ്യാതിർത്തികൾ അടച്ചതാണ് ഉത്തരകൊറിയയുടെ കഷ്ടകാലത്തിന് ഇടമൊരുക്കിയത്. ഇത്രയും നാൾ ചൈനയെ ആയിരുന്നു ഭക്ഷണം, വളം, ഇന്ധനം എന്നിവയ്‌ക്കായി ഉത്തരകൊറിയ ആശ്രയിച്ചിരുന്നതെങ്കില്‍ ഇപ്പോള്‍ കാര്യം ആപ്പാടെ മാറിയിരിക്കുകയാണ്.

ഭക്ഷ്യ പ്രതിസന്ധികൾക്കിടയിൽ കറുത്ത അരയന്ന മാംസം കഴിക്കുന്നത് ഉത്തമമാണെന്ന് ഭരണകൂടം ജനങ്ങളോട് പറഞ്ഞിരിക്കുകയാണ്. രാജ്യത്ത് കറുത്ത അരയന്ന മാംസത്തിന്റെ ഉപഭോഗവും അരയന്നങ്ങളുടെ വളർത്തലും പ്രോത്സാഹിപ്പിക്കുകയാണ് ഉത്തരകൊറിയ. പ്രോട്ടീൻ ധാരാളമായി അടങ്ങിയതിനാൽ കറുത്ത അരയന്നങ്ങളുടെ മാംസം കഴിക്കുന്നത് ഉത്തമമാണെന്ന് ഭരണകൂടം ജനങ്ങളോട് നിര്‍ദ്ദേശിച്ചു.ഇവയുടെ മാംസം അതീവ രുചികരവും ഔഷധമൂല്യമുള്ളതുമാണ് അതിനാൽ ഇവയുടെ ഉപഭോഗം വർദ്ധിപ്പിക്കാനും ജനങ്ങൾളോട് ആവശ്യപ്പെട്ടു.

കൂടാതെ ഭക്ഷ്യ ക്ഷാമം നിയന്ത്രിക്കുന്നതിന്റെ ഭാഗമായി 2025 വരെ ഭക്ഷണം നിയന്ത്രിക്കാന്‍ കിം ജോങ് ഉൻ ജനങ്ങളോട് നിര്‍ദ്ദേശിക്കുകയുണ്ടായി.2025 വരെ രാജ്യം കടുത്ത ഭക്ഷ്യക്ഷാമം നേരിടുമെന്നും അത് പരിഹരിക്കാൻ അടുത്ത നാല് വർഷത്തേക്ക് തീറ്റ കുറക്കണമെന്നുമാണ് ജനങ്ങളോട് ആവശ്യപ്പെട്ടത്.രാജ്യത്ത് അവശേഷിക്കുന്ന ഓരോ അരിമണിയും സുരക്ഷിതമായി ശേഖരിച്ചുവെക്കാനും കൃഷിയെ പ്രോത്സാഹിപ്പിക്കുന്നതിനുള്ള എല്ലാ ശ്രമങ്ങളും നടത്താനും ഭരണാധികാരിയായ കിം ജോങ് ഉൻ രാജ്യത്തെ ജനങ്ങളോട് ഉത്തരവിട്ടിട്ടുണ്ട്.

അതേസമയം, രാജ്യത്തെ ഭക്ഷണ സാഹചര്യം ഇതിനകം തന്നെ അടിയന്തരാവസ്ഥയ്ക്ക് തുല്യമാണെന്നും, വരുന്ന ശൈത്യകാലത്ത് തങ്ങള്‍ക്ക് ഇത്തരത്തിൽ നിലനിൽക്കാൻ സാധിക്കില്ലെന്നും' ജനങ്ങൾ പറഞ്ഞതായി മീഡിയ പോര്‍ട്ടലായ ആര്‍എഫ്എ പുറത്തുവിട്ട റിപ്പോർട്ടില്‍ പറയുന്നത്.