ഇസ്രയേലിൽ താങ്കൾ വളരെ പ്രശസ്തനാണ്, എന്റെ പാർട്ടിയിൽ ചേരാമോ’ പ്രധാനമന്ത്രി മോദിയോട് ഇസ്രയേൽ പ്രധാനമന്ത്രി ചോദിച്ച ചോദ്യമാണിത്. ഈ ചോദ്യത്തിന് പൊട്ടിച്ചിരിയോടെയാണ് പ്രധാനമന്ത്രി നരേന്ദ്രമോദി മറുപടി നൽകിയത് . '' താങ്കളോട് നന്ദി പറയുന്നു, താങ്കളാണ് ഇന്ത്യ ഇസ്രയേൽ ബന്ധം വീണ്ടും നല്ല രീതിയിലാക്കിയത്.

ഇന്ത്യ ഇസ്രയേൽ ബന്ധം വളരെ മനോഹരമായ രണ്ട് സംസ്‌കാരങ്ങളായ ഇന്ത്യൻ സംസ്‌കാരവും, ജൂത സംസ്‌കാരവും തമ്മിലുള്ള ഹൃദയം കൊണ്ടുള്ള ബന്ധമാണ്’- ഇസ്രയേൽ പ്രധാനമന്ത്രി മോദിയോട് പറഞ്ഞു. രണ്ട് രാഷ്‌ട്രനേതാക്കളും തമ്മിൽ നടത്തിയ ചർച്ച സമൂഹമാദ്ധ്യമങ്ങളിൽ വൈറലാകുകയാണ്.

ഗ്ലാസ്‌കോയിൽ നടക്കുന്ന സിഒപി26 കാലാവസ്ഥ ഉച്ചകോടിക്കിടെ രണ്ട് പ്രധാനമന്ത്രിമാരും തമ്മിൽ നടത്തിയ കൂടിക്കാഴ്ചയിലായിരുന്നു രസകരമായ സംഭാഷണങ്ങൾ അരങ്ങേറിയത്.ഇസ്രയേലുമായുള്ള ബന്ധത്തിൽ ഇന്ത്യ ഏറെ മൂല്യം നൽകുന്നുണ്ടെന്ന് പ്രധാനമന്ത്രി മോദിയും ഹ്രസ്വമായ കൂടികാഴ്ചയ്‌ക്കിടയിൽ ഇസ്രയേൽ പ്രധാനമന്ത്രി നഫ്താലി ബെനറ്റിനോട് സൂചിപ്പിച്ചു.‘ഇത് താൽപ്പര്യങ്ങൾക്ക് പുറത്തുള്ളതല്ല.

താങ്കളുടെ ഇസ്രയേലുമായുള്ള ബന്ധത്തിലെ ദൃഢാവിശ്വാസവും, കരുതലും ഞങ്ങളുടെ രാജ്യത്തിന് മനസിലാകും. അതിനാൽ തന്നെ ഇപ്പോൾ ആരംഭിച്ച ഈ പുതിയ ബന്ധത്തിന് എല്ലാ നന്ദിയും ഉണ്ടെന്നും ഇസ്രയേൽ പ്രധാനമന്ത്രി പറഞ്ഞു . പ്രധാനമന്ത്രി മോദിക്കും ഇന്ത്യക്കാർക്കും ദീപാവലി ആശംസകളും ഇസ്രയേൽ പ്രധാനമന്ത്രി നേർന്നു.

ഇസ്രയേൽ പ്രധാനമന്ത്രി അടുത്ത വർഷം ഇന്ത്യ സന്ദർശിക്കാനുള്ള സാധ്യതയും ഉണ്ടെന്നാണ് ചില ഏജൻസി റിപ്പോർട്ട് ചെയ്തു.കഴിഞ്ഞ മാസം വിദേശകാര്യ മന്ത്രി എസ് ജയശങ്കർ ഇസ്രയേലിൽ സന്ദർശനം നടത്തിയിരുന്നു.